ما هي كلية حاسبات و معلومات ؟
كلية حاسبات و معلومات اتئسست سنة 1995 يعني بقالها حوالي 24 سنه حتي الان ، و طبعاً هي جمب باقي الكليات تعتبر لسه جديدة.
تقبل طلاب الثانويه العامه شعبة الرياضيات 😊، و حاليا بقت بتقبل علوم ومعظم الاقسام اللي بتقبل الطلبة دول بتبقي بمصروفات خاصة زي قسم السيكيورتي والبايو في حاسبات بنها 🤗🤗
ما هي اقسام كلية حاسبات ومعلومات ؟
اقسام الكلية كتيرة جداً وده بسبب توسع المجال بتاعنا لانه داخل في كل حاجه في حياتك
1- Computer Science
ده قسم هتدرس فيه لغات البرمجة موجودة في الكمبيوتر يعني مثلاً زي: c , c++ ,java , assembly
هتفهم فيه ال computers مكونة من ايه وال gates وال electronics و مفهوم ال oop وال data structures وال algorithms وال computer architecture وكمان هتدرس شوية image processing و simulating وحاجات جامدة فشخ كدة وتقريبا انت مش فاهم حاجة بس حرفيا انت هتتعامل مع core الجهاز بتاعك وتفهم كل صغيرة وكبيرة فيه وحاجات هتبهرك جدا وهتقدر تعمل بلغات البرمجة دي العجب
2- Information Systems
وده بتدرس فيه برمجة قواعد المعلومات وبعض من شبكات الإنترنت والاتصالات وبعض من مواد التسويق وإدارة الاعمال، وبرضه بتاخد بعض لغات البرمجة، بس مش كلها، لكن دراسته تنصب على قواعد البيانات، وهتتعلم فيه إزاي تصمم برامج إدارة الشركات والبنوك، وإزاي تخزن بيانات الشركة كلها على برنامج واحد أو على موقع انترنت واحد.
3- Information technology
وهنا بقى هتتعلم إزاي تبرمج شبكات الإنترنت وتعرف إيه هو الإنترنت اساساً وليه اتعمل ومين اللي عمله وتتعلم برضه إزاي تبرمج مواقع الإنترنت الكبيرة وتاخد لغات برمجة خاصة بالمجال ده زي الجافاسكريبت، والروبي، والبايثون، والجافا. القسم ده موجود في أغلبية كليات الحاسبات والمعلومات بس مش كلها
4-Scientific computing
والقسم ده بيركز على الرياضيات أكتر لإنك هتتعلم فيه رسم الأشكال الهندسية المعقدة بالبرمجة وفيه بعض مواد نظري المواد باختصار بتتكلم عن نظرية الحسابات، وكيفية الرسم بالحاسب، ودراسة الإحصاء والإحتمالات والقسم موجود في جامعة عين شمس وحاسبات بنها والقسم دا داخل بقوة بمجال الذكاء الإصطناعي ومستقبله حلو
5- Basics Science
والقسم ده بقى هتدرس فيه أساسيات الكمبيوتر، وأساسيات الكمبيوتر من ناحية العلم يعني رياضة وفيزيا. بجانب المواد النظرية. والقسم ده برضو موجود في جامعة عين شمس بس تقريبا.
6- Bioinformatics
وه قسم خاص ومصاريفه بتختلف من سنة لسنة ، وهو قسم بيدخله علمي علوم, بس لازم بتاخد رياضة في أول سنة لأنك هتدرس فيه مواد من صيدلة، ومن علوم أحياء طول السنوات الدراسية، وعادي ممكن علمي رياضة برضه يدخله والتخصص في القسم ده من سنة أولى ومنه بيكون فيه ربط بين ال programming وشغلنا بالاحياء والجو ده.
وهنا في القسم ده بتدرس إزاي تبرمج الشرايح الالكترونية اللي بتعالج الناس من أشد الأمراض وإزاي بتدرسها وإزاي بتجربها
7- Software Engineering
واضح من الاسم إن لقبك رسمياً جوة مصر أو برة مصر هو مهندس برمجيات. قسم هندسة البرمجيات موجود في جامعة حلوان وتقريبا كذا جامعة كان، ومصاريف القسم أخفّ من مصاريف قسم عين شمس الجديد.
وهتاخد فيه كل لغات البرمجة فهي خليط من مواد علوم حاسب على نظم معلومات على بعض من تكنولوجيا المعلومات على مواد من هندسة البرمجيات اللي نازله جديد على مواد دعم و اتخاذ قرار
8- Decision support and progresses researches
في القسم ده بتاخد مواد رياضية كتير ومواد فيها حفظ وبرمجة مش كتيرة.
وهتدرس فيه إزاي تتخذ القرار في أي عملية الكترونية، وإزاي تناقشها بأسلوب علمي بحت، وشغلك يبقى في مراكز حساسة زي رئاسة الجمهورية ومجلس الوزراء ومراكز دعم اتخاذ القرار الحكومية التابعة للرئاسة. فلو عاوز القسم ده, يبقى لازم تجهتد كويس أوي والقسم موجود في جامعة القاهرة والمنصورة
9-Security
القسم دا بقا اجدد قسم اتفتح في مصر وحاسبات بنها كانت الرائدة في القسم ده حرفيا القسم دا بيعلمك ازاي تقدر تأمن اي حاجة وداخل في موضوع التحقيقات والادلة الجنائية بشكل كبير قوي او تقدر تأمن systems كبيرة بطرق معينة ومستقبله كبير جدا ودا حرفيا الحاجة اللي عمرها ما هتموت , القسم دا في حاسبات بنها بمصروفات خاصة لطلبة علمي رياضة فقط
ما هو اللقب الوظيفي لخريج حاسبات ومعلومات
طبعاً جوه كل قسم حوالي 100 شغلانة ب 100 لقب وظيفي ، لكن اللقب اللي اعتمد من فتره هو[#software_engineer](https://www.facebook.com/hashtag/software_engineer…) بس في مسميات تانية زي web developer / Machine learning engineer / data scientist / android developer / ios developer وفيه تاني كتير
اين يتركز مجال العمل للخريج ؟
في جميع شركات الاتصالات زي فودافون و اورانج و tedata لو انت مثلا تبع قسم خاص بالاتصالات والشبكات، و كل البنوك اللي في مصر بتكون طالبه خريجين كتير من حاسبات عشان امن حماية معلومات البنك و غيره ! ، غير الشركات العملاقه زي جوجل وفيسبوك وامازون ومايكروسوفت بس دي مش بتوصلها بالساهل 😉 دا غير انك تقدر تشتغل بأي شركة برمجيات بالعالم برضوا اما بالشركة او remotely وكمان ممكن تشتغل freelancer وتقبض كويس
–
ما الفرق بين خريج حاسبات و خريج كلية اخري دارس بمجالنا ؟
الموضوع بسيط جدا ، انتا شغال بالشهاده بتاعتك وده هيميزك عنه ف المرتب و الاجازات و هيخليك تترقي اسرع منه ، غير ان 80% من الشركات (المصريه) اول شرط ليها ان يكون الخريج حاصل علي بكالريوس حاسبات و معلومات.
طيب اي الفرق بين حاسبات و هندسة اتصالات؟
ببساطة سيادتك بتركز اكتر علي جزء ال software مع شوية hardware وهوا العكس
بس دا ميمنعش انك ممكن تدوس جامد بمجال ال hardware عادي
الطفرة اللي موجودة بمجالنا حاليا هيا الذكاء الاصطناعي واللي العالم كله مهتم بيها وبيطورها بسرعة كبيرة وطلبة حاسبات ومعلومات ليهم نصيب م الكنز ده
المجال حرفيا مش بيخلص وبتقعد تطور من نفسك فيه لحد ما تموت وكل مرة بتعرف حاجة بتبقي عاوز تعرف اللي بعدها ومش بتهدي ابدا
اهم جزء عندنا بالكلية هوا ال problem solving وانك ازاي تقدر تحل مشاكل بالحياة العامة او الواقعية عن طريق البرمجة بسرعة وسهولة ووقت قياسي
ال community بتاع حاسبات مصر عموما بيساعدوا بعض جدا ويوم ما هتسأل علي حاجة بمجالنا هتلاقي 1000 مين بيرد عليك ويساعدك وناس كتير بتعمل sessions عشان تساعد الطلبة الجديدة اللي بتبقي خايفة م الكلية
انت المجموع مرمكش هنا عندنا علي فكرة , انت بس ربنا اراد ليك الخير وجابك هنا
لو فضلت ماسك علي حتة المجموع اللي جابني هنا ومواجهتش الواقع واتعاملت معاه هتفضل واقف مكانك
اللي بيقف لحظة بمجالنا من غير ما يطور نفسه حرفيا بيموت لان المجال عننا بيتطور بسرعة غبية جدا
إطمنوا ، محدش هيفتح سايبر و الله ولا هينزل ويندوز
منشن لصحابك و لقرايبك اللي في ثانويه ، و عرفوهم حاسبات صح
