تعليق ايتن عامر علي اصابة بسمة وهبة .. رسالة مؤثرة

تفاعل ايتن عامر ورواد التواصل الإجتماعي مع بسمة وهبة

ننشر لكم رسالة ايتن عامر التي وجهتها الى بسمة وهبة بعد اعلان الاخيرة اصابتها بمرض السرطان وجانب من بعض ردود الافعال على منصات التواصل الاجتماعي.

تفاعل رواد التواصل الإجتماعي مع بسمة وهبة

بعد أن روت الإعلامية المصرية بسمة وهبة قصتها مع مرض السرطان، تفاعل عدد كبير من رواد التواصل الإجتماعي معها وقدموا الدعم لها، كما علقت الفنانة ايتن عامر عبر صفحتها الشخصية بموقع تبادل الصور والفيديوهات الأشهر انستجرام علي هذا الموضوع.

تعليق ايتن عامر لبسمة وهبة:

وقالت ايتن :” فاكرة لما شوفتك سايقة عربيتك وقتها كان شعرك يا دوب منبت ولابسة نظارة كبيرة ومكنتيش مبينة وشك وطلعت اجرى وراكى علشان اشوف مين البنت القمر اللى راكبة العربية وحلقت شعرها كده اتفاجأت بيكى القصة اللى حكيتها دى علشان اى حد يتعرض لسقوط شعره ميتكسفش او يستخبى بالعكس انتى كنتى موظفة اللى حصل بشكل ايجابى يا بسمة ودا كان درس فعلا بالنسبالى دومتى قوية”.

كلمة وهبة عن مرضها:

وقالت بسمة عن مرضها:” كل ده خلى بعض الأصوات تعبر عن فقداني التام للأمل بعد سلسلة الصدمات إلي حصلتلي وشوفت إني التحدي مع السرطان ممكن يكون معركة خسرانة، علشان كده قررت وبعد تفكير طويل أشارككم قصة صغيرة؛ البعض يعرف إني أصبت بمرض السرطان، اللي هو في الحقيقة أنا وصفته بأنه مش بس مرض دي معركة حقيقية، ومهما الواحد اتكلم عن معركته ورحلة المرض، هيفضل من الصعب وصف بعض اللحظات اللي عدّت عليه، لحظات الألم، بس النهارده قررت أحكيلكم الزواية الأهم للحدوتة، حدوتة الأمل”.

وتابعت: “عندما يبتلى الأنسان بمرض ما، لازم يكون مليئا بالأمل والقوة، ويجب علية مجاربته بقوة وصرامه ولا وقت لديه لـ”العياط والولولة” لازم يقوم ويمسك سيفه ولا يعطي المرض الفرصة لإصابته برصاصة تسقطه”.

رسالة بسمة لمرضى السرطان:

ووجهت رسالة لمرضى السرطان: “عايزة أقول للناس لا للحزن لا لحرقة الدم لما ربنا يبتليك متبقاش دي النهاية واعتبرها بداية لحياة جديدة ربنا يختبرنا فيها ويعطينا منح على شكل محن، لأن عندنا مشكلة أن الإنسان لا يرضى فربنا يعرف سعة تحمل كل بني آدم ويعطيه بحسبها، ويجب أن يتأكد كل منا أنه لن يحمل “شيلة” لا يستطيع تحملها .. فالله يعرف سعة اللي عندك ويعطيك بحسبها”.

وأكملت رسالتها: “إوعى تقول أنا ضعيف مش هقدرلا تقدر وهو معاك هيساعدك.. ارض وقل الحمدلله احنا أحسن من غيرنا كثيرًا، فلا يجب أن يستسلم أحد للمرض مهما حدث”.

قد يهمك ايضاً: صور.. لينا دونهام تقبل “براد بيت” وتحاول إغراؤه

 

التعليقات مغلقة، ولكن تركبكس وبينغبكس مفتوحة.