سوف نذكر لكم في هذا التقرير اعزائنا قراء “الريادة نيوز”، الفرق بين التهجد وقيام الليل وصلاة التراويح علي شكل سؤال وجواب، ونهنئكم جميعاً والأمة الإسلامية بحلول شهر رمضان المبارك 2020 ، لعام 1441 هـ اعاده الله عليكم بالخير واليمن والبركات.
س/ ايه الفرق بين صلاة التراويح ، التهجد ، قيام الليل ؟
ج/ كلهم واحد .. مفيييش فرق بين التلاته
كلهم مسميات تطلق علي صلاة التطوع من بعد العشاء.
بس الفرق كله في توقيت صلاتك !
- يعني لو صليت بعد العشاء مباشرة من غير ما تناملك حبة = تبقي تراويح.
- لكن لو صليت العشاء ونمت شوية وصحيت في الثلث الأخير من الليل = يبقي تهجد.
- والقيام ده مسمي عام معناه = انك تقوم ليلك او جزء منه بين يدي ربك.
س/ يعني نصلي انهي واحدة فيهم .. وبأنهي نية ؟!
ج/ صلي التراويح بعد العشاء ..
وناملك شوية مثلا واصحي في الثلث الاخير صليلك ركعتين او اكتر تهجد، يعني مش هتخسر حاجة لو صليت الاتنين.
س/ طب هيا كام ركعة التراويح ؟!
ج/ هيا علي الأرجح ١١ ركعة “ده السنه وممكن تزود ، المهم تكون عدد زوجي ٨ مثلا وبعدها ركعتين شفع وركعة وتر فتصبح عددا فردياً اللي هو ١١”.
س/ بنصليهم ازاي ؟!
ج/ ركعتين ركعتين .. بنصليهم [ مثني مثني ] .
– بين كل اتنين ناخد راحة نذكر الله دقيقتين كده ومنها نستريح [ عشان كده سموها التراويح ].
س/ طب ينفع نقرأ فيها من المصحف ؟!
ج/ اه ينفع نقرأ من المصحف فيها [ لانها صلاة نافلة مش فرض ] .
شاهد ايضاً: كيفية اداء صلاة التراويح في المنزل رمضان 2020 | عدد ركعاتها|دعاء القنوت 1441 هـ
س/طب انا معنديش حامل للمصحف ؟!
ج/ ولا يهمك .. ينفع نشيل المصحف بإيدنا [ لو مش متوفر حامل للمصحف ] .
س/ الناس بتصلي بجزء في اليوم بس انا طاقتي علي أدها ومش هقدر .. ينفع اصلي بسور قصيرة ؟!
ج/ ايوه ينفع نصليها بقصار السور [ لغير القادر علي حمل المصحف او قراءة اجزاء كبيرة ] .
س/ طب انا بصراحة مش هقدر أصلي 11 ركعة ؟!
ج/ لغير القادر علي اتمام الـ ١١ ركعة يصلي ركعتين، صلي اي حاجة المهم تصلي ماتبخلش علي نفسك.
س/ بالنسبة للبنات .. المسجد ولا البيت افضل ؟!
ج/ للمرأة صلاة التراويح في [ بيتها] أفضل ويجوز تصليها طبعا في [ مصلي للنساء ] اذا أمنت الفتنة.
