“باللهجة العامية” شرح مبسط لطريقة عمل بحث كامل عن السياحة في مصر 2020

ازاي تعمل بحث عن السياحة بكل سهولة

في الآونة الأخيرة يهتم العديد من أولياء الأمور والطلاب، بمعرفة الطريقة الصحيحة لكتابة مشروع بحث وزارة التربية والتعليم، ويبحث الكثيرين عن طريقة عمل بحث عن السياحة في مصر، لتقديمه عبر منصة ادمودو التعليمية.

وكما عودناكم اعزائنا قراء “الريادة نيوز”، علي توفير كافة البيانات وموضوعات البحث، التي تهتمون بها، سنذكر لكم اليوم عبر هذا التقرير، شرح مبسط باللهجة العامية المصرية، حتي يتسني لكم كتابة بحث عن السياحة ، بكل سهولة واحترافية، ونتمني لكم مزيداً من التوفيق والنجاح.

مقدمة بحث عن السياحة

السياحة هي مجموعة من الأنشطة الحضارية والثقافية والمائية ” الشواطيء” والاقتصادية والتي يقوم بها الفرد الذي ينتقل من بلد إلى بلد آخر ويستمر وجوده بها إلى أكثر من يوم على الأقل، وتتعدد الأغراض التي سافر من أجلها إلا أنها لا تشمل العمل.

وتعتبر السياحة من الأنشطة الهامة والتي يقوم بها الكثير من الأفراد بكل أنحاء العالم فيسافرون وينتقلون من مكان إلى آخر بما يعود على أنفسهم بالبهجة والاستمتاع، والشعور بالراحة والاسترخاء، كما تساعدهم على التخلص من التوتر والقلق النفسي، والحصول على فرص للترفيه والترويح عن النفس.

شاهد ايضاً: بحث عن البيئة “مقدمة – تعريف – عناصر – نتائج – خاتمة ” جاهز للطباعة والتسليم 2020

بحث عن السياحة في مصر

النهاردة هنمشي مع بعض خطوة خطوة مع مواضيع أبحاث المرحلة الإبتدائية، واليوم هنبدأ مع الموضوع الأول بحث السياحة :-

الخطوة الأولي:

هنختار بلد أو موقع سياحي في البيئة الصحراوية، مثل : واحة سيوة، محافظة الوادي الجديد، أرض الفيروز، بحيرة قارون،…. إلخ أو في البيئة الساحلية، مثل : مدينة الإسكندرية، الغردقة، شرم الشيخ، مطروح،… إلخ ونختار اسم جذاب مناسب للبحث، على حسب المكان والبيئة اللي اختارتها.

الخطوة الثانية :

هنكتب مقدمة عن البيئة اللي اختارتها او المكان في حدود (٥٠)كلمة، واحد هيقولي : هو انا هعد الكلمات؟ هقولك شوف انت حجم خطك تقريبا بتكتب كام كلمة في السطر الواحد  تقريبا (١٠)كلمات في السطر خلاص يبقى خلي ده المتوسط اللي هنحسب عليه كلمات البحث، وكدة انت هتعمل مقدمة حوالي خمسة أسطر.

الخطوة الثالثة :

ودي أشبه بمواضيع التعبير اللي بكتبها، بحدد عناصر الموضوع، وبعدين بنكتب موضوع تعبير عن المكان السياحي اللي اختارتوا عن طريق المعلومات اللي حضرتك جمعتها عن المكان ده بس ما تنساش تحتفظ بكل المواقع اللي جمعت منها المعلومات دي علشان هنحتاجها بعدين.

الخطوة الرابعة :

هنكتب طرق الحفاظ على هذا المكان : واحد هيقولي طيب انا دورت كتير في المواقع، وجمعت معلومات كتييييير عن موقع المكان وعن الآثار الموجودة فيه، وصور، لكن مش لاقي خاااالص طرق الحفاظ عليه أقولك وتدور على النت ليه؟ انت هتفتح كتاب الدراسات، وتشوف المكان ده واقع في أي بيئة، وتكتب جهود الدولة في الحفاظ على البيئة دي وحل مشكلتها.

يهمك ايضاً: بحث عن السياحة كامل | مقدمة – عناصر – موضوع – نتائج -خاتمه – مخطط | للمرحلة الابتدائية و الاعدادية

مقدمة بحث عن السياحة في مصر 2020

الخطوة الخامسة :

ودي الخاصة بجزء الرياضيات : وهو عبارة عن سؤال بنفترض فيه عدد السياح اللي بيزورا المكان السياحي ده، خلال ثلاث اسابيع متتالية، وبيفترض ان العدد ده ثابت فبنقترح أي عدد ونضربه في( ٣) علشان نعرف اجمالي عدد الزائرين خلال الثلاث اسابيع.

الخطوة السادسة :

وده الخاص بجزء اللغة الانجليزية : وده مطلوب فيه رسالة باللغة الإنجليزية لصديقك تدعوه لزيارة المكان اللي انت اختارته، وطبعا هتقوله نبذه بسيطة عن مميزات هذا المكان، أو بعض المعالم السياحية الموجودة فيه، وده في حدود (١٥)كلمة انجليزية.

الخطوة السابعة :

ودي الخطوة قبل الأخيرة : ودي الخاصة بنتائج عملك او بحثك، وفيها بتلخص كلامك في سطرين ثلاثة، بتقول فيهم بالعربي كدة اني اكتشفت ان البيئات المصرية مليئة بالأماكن الساحرة، التي يجب أن نقوم بزيارتها، وتعريف العالم كله بها.

الخطوة الثامنة والاخيرة “المراجع” :

ودي بقى اللى هترد فيها الجميل لكل المواقع اللي ساعدتك في تجميع معلومات عن بحثك، وده متوقف على أمانتك  أمانتي أيوة امانتك، انا سايبك براحتك من اول البحث عمال تاخد كلمة من هنا، وصورة من هنا، وكل شوية أقولك، ركز وشوف بتاخد من موقع ايه وسجل عندك، علشان في الخطوة دي هتكتب المصادر اللي جمعت منها بحثك، علشان دي حقوق فكرية لناس تعبت وجمعت الكلام ده كله وقدمته لحضرتك، وانت قاعد في مكانك، فلازم نذكر أسماءهم.

اقرأ ايضاً: “اشترك الآن” رابط التسجيل في بنك المعرفة المصري المكتبة الرقمية study.ekb.eg

مصادر بحث السياحة

كدة انت خلاص خلصت بحثك، هتنظر بقى لأول مايو بإذن الله زي ما الوزير ما قال، علشان تعرف طريقة تسليمة للمدرسة، وإن كان هيبقى مكتوب يدوي او هنكتبه على ورد او غيره.

لكن نصيحة مني فيه قوالب ورد فاضية شكلها جميل، اطلبع منها نسخة او لو مفيش إمكانية هات عريضة وسطرها بشكل حلو واكتب بحثك، ولو طلب تسليمه يدوي يبقى تمام، وإن كان هيحتاجه رقمي، هبقي أقول لحضرتك وقتها على طريقة سهلة لتحويله لرقمي.

قبل ما اقفل البحث، عارف ان فيه واحد مفتح شويه هيقولي : هو فين الجزء الخاص بالعلوم يا مستر في البحث ده؟؟ هقولك يا حبيب قلب المستر، الوزير نفسه اللي اقترح الموضوع ده ما طلبش تقييم لجانب العلوم في الموضوع ده، هتعترض انت بقى وتعمل مفتح وعايز تدخل العلوم بالعافيه، الي اللقاء في موعد أخر، مع موضوع بحثي اخر، ومتجمعين ع الخير وفيه دايما يا رب.

 

التعليقات