بعد أزمته..كيف حاول محمد رمضان استعادة دعم جمهوره؟, الفنان محمد رمضان يجرى محاولاته لاستعادة دعم جماهيريته العملاقة له ,حتى يتصدى بهم الأزمات التى يمر بها هذه الفترة ,ويقاوم كل من كان السبب فى هدم نجوميته التى سعى لتحقيقها ,وفى اطار ذلك شارك جمهوره برسالة أكد فيها أنه يتعرض لحرب ممنهجة سببها أنه نشأ في طبقة بسيطة، وأشار إلى أن جمهوره السبب في نجاحه ومشاركته لهم في تفاصيل حياته يرجع لاعتبارهم عائلته، وحاول الاعتذار منهم عن نشر الفيديو الساخر من الطيار.
كانت رسالة رمضان الموجه لجمهوره التى وصفهم بأنهم أهله وناسه قال فيها:” إلى أهلي وناسي أنتم السبب في كل حاجة حلوة في حياتي ومشاركتي لكم في تفاصيل حياتي؛ لأني بعتبركم عيلتي زي ما بعرّف أمي إني اشتريت حاجة بحبها بعرفكم لأن إنتم شاركتوني في صنع كل حاجة حلوة في حياتي”.
أضاف رمضان، الذي واجه انتقادات لاذعة من متابعيه وحملة واسعة لمقاطعته:”وبسببكم برضه بتحارب هذه الحرب المُمنهجة من مُعظم الاتجاهات.. والسبب هو أنه لا يجوز لواحد من الطبقة البسيطة يوصل لهذا النجاح والجماهيرية”.
واختتم رمضان رسائله لجمهور قائلا:”المقصود من الحرب دي الفتنة بيني وبين رزق ربنا ليا وهو أنتم، زي توجيهكم في موضوع بوست المستشفى اللي كان قصدي فيه إن مش أي حد يغلط يتم إيقافه مدى الحياة، العقوبة فعلاً قاسية جدًا إنما مش قصدي الطيار خالص، والدليل إن كل الطيارين اللي سمحوا بالتصوير لمعظم النجوم ونزلت على السوشيال ميديا لم يتم إيقافهم أسبوع واحد حتى، ومع ذلك لمّا شوفت أنكم فهمتم كلامي غلط حذفته برضه احترامًا لكم، ثقتي في الله ثم فيكم إن الظلم لا ينتصر أبدًا.. #ثقة_في_الله_نجاح”.
وانهالت العديد من التعليقات الصادمة وطالبه بعضهم بالاعتذار منهم عن أخطائه والالتزام بفضيلة التواضع وقال د.عصام محمود اعترف مرة انك غلطت، اعترف انك ماشي غلط واعتذر للناس وغير مسارك، غير كدة محدش هيقبلك ويا ريت تدور على مهنة تانية لأن الناس اللي كانت بتحبك كل لحظة بتقل لغاية ما هتلاقي ردود أفعال عنيفة منهم في الشارع.
وقال متابع يدعى محمد حسن: الي انت فيه ده اكيد رساله من ربنا قرصة ودن بس من تواضع لله رفعه وانت افتريت اتصالح مع ربنا الاول وشوف النتيجه الله يسهلك ويغفرلك.
وأضافت جولي حسني: بطل تستفز الناس عمرو دياب وعادل امام وفنانين كتير ومحمد صلاح كل دول ممكن يكونوا أغنى منك بكتير محدش بيقعد يصور ويتفشخر ويقول على نفسه نمبر وان بالرغم تاريخهم كبير خلى عندك أخلاق عشان البنى آدم سيرة شوفت الفنان عامر منيب متوفى من 9سنين كل الناس بتحبه وبتترحم عليه الإنسان سيرة طيبه.
ولم يصدق فوزي علي رسالة رمضان ورد عليها بقوله: لقيت جو النمبر و الاسطوره مش جايب نتيجه ، رجعت تلعب علي العاطفه و جمهوري و حبايبي و انا غلبان و انا منكم و بتاع ، عشان تكسب تعاطف الناس ، علي الله تكون اتعلمت الدرس و تعرف ان من تواضع لله رفعه و ان كل الي انت فيه ده في لحظه ممكن يروح.
قد يهمك اضا:
شريف منير يكسر حاجز الصمت ويوجه رسالة مؤثرة جدا الى منى فاروق
