تامر حسني لحلا شيحة: مستحيل ارد عليك بطريقتك

أشعل تامر حسني وحلا شيحة مواقع التواصل الإجتماعي في الساعات القليلة الماضية، بسبب أزمة نشر أغنية بحبك لتامر حسني من فيلمه الجديد “مش أنا” التي تشاركه في البطولة الفنانة حلا شيحة.

نشرت حلا شيحة عبر صفحتها الشخصية بموقع التواصل الإجتماعي “انستجرام”، مهاجمة تامر حسني بشدة لنشره كليب الأغنية الجديدة.

تامر حسني وحلا

اقرأ حلا شيحة لتامر حسني: استغفر ربنا وتوب

تامر حسني يرد على حلا شيحة

ليخرج تامر حسني، بعد ساعات قليلة يرد على حلا عبر صفحته الشخصية بموقع التواصل الاجتماعى “فيس بوك”، كاتبا: ” أولاً أنا عمري ما وعدتك إن الكليب مش هينزل دا محصلش اصلاً يا حلا مش أنا خالص اللي أوعد و أخلف الحقيقه اني إحترمت كلامي معاكي و وعدتك أشيل مشاهد تانيه طلبتيها و شيلتها بالفعل و شكرتيني عليها و لو حابه تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف او كلميه يبعتهالك كلها موجوده.

وأضاف، “بعدين الفيلم بقاله ٣ اسابيع في السينمات و الكليب موجود جوه الفيلم هو بالنسبالك الحرام إننا ننزل الكليب على اليوتيوب بس، إنما الكليب يتشاف جوه السينمات عادي؟ منطق غريب فعلاً يا حلا، و بعدين هو مش أنتي اللي مضيتي عقد و تقاضيتي عليه مبلغ كبير عشان الدور ده بعينه، هو مش إنتي اللي صورتيه و مثلتيه بنفسك و بمنتهى الرضا ولاّ حد أجبرك ؟”.

وأكمل، ” توضيح للجمهور الكريم أنا و المخرجه الأستاذه ساره وفيق بعتنالك و كنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها ، ماكنتيش بتردي علينا و تليفوناتك كلها كانت بتقفل في وشنا، انتي للأسف يا حلا متعاملتيش صح مع الموقف كان لازم تهتمي بأمرك أكتر من كدا و لو كان ليكي أي طلب تاني كنت هعمله بكل حب”.

أردف، “إنما إنتي فجأه أختفيتي و مكملتيش تركيب صوتك في الفيلم ولا جيتي تتصوري عشان آفيش الفيلم أصلًا و مخليتيناش نعرف نعمل آفيش مجمع، بقيتي تقفلي تليفوناتك و تكنسلي علينا كلنا و بعدين أي فيلم بيبقى ليه خطه مسبقه في الدعايه و انتي عارفاها كويس و وافقتي عليها و دا كليب رومانسي يعني معقول كنتي عايزه المنتج يشيل كل مشاهدك اللي صورتيها من الكليب و يطلعني بغني و بقول الكلام الرومانسي دا للأستاذ ماجد الكدواني مثلاً هو دا يُعقل؟”.

تامر حسني: أنا زعلان منك وربنا يهدي الجميع

مختتما، ” أنا زعلان منك جداً يا حلا على مفردات البوست بتاعك الغير موفقه و مستحيل هرد بطريقتك اللي فيها تجريح و اتهامات باطله ليا إحتراماً لحجات كتير يمكن فايتاكي بس مش هتفوتني و على فكره انا واثق انك عارفه اني مستاهلش منك كدا و هكتفي بالتوضيح دا و ربنا يهدي الجميع و يكتبلك كل الخير اللهم آمين”.

مواضيع قد تهمك:

روبي تعلن عن الشروط لحضور حفلها بالساحل الشمالي

الكويت..تعرف على زوجة يعقوب بوشهري

التعليقات مغلقة.