تصدر خبر ارباح حسن شاكوش وعمر كمال المشتركين بغناء “بنت الجيران”، مواقع التواصل الإجتماعي “فيس بوك” و “تويتر” ، وتفاعل عدد كبير جدا من رواد السوشيال ميديا مع منشورات الصفحات والمجموعات حول تلك المبالغ الكبيرة.
وانتشر تقرير يفيد بأن ارباح شاكوش من عرض الأغنية عبر منصة رفع الفيديوهات الأشهر في العالم “يوتيوب” 54 مليون جنيه، بعد ان تخطت مشاهداتها عشرات الملايين، لينافس بذلك صديق الفن الهابط حمو بيكا، والذي بلغت ارباحه 28 مليون جنيه.
مهرجان بنت الجيران
وعبر النشطاء عن استيائهم الشديد حول تلك المبالغ الضخمة التي يجنيها نجوم المهرجانات، من تلك الأغاني التي تستند بنسبة كبيرة إلي المؤثرات الصوتية، والأجهزة الإلكترونية الحديثة.
وجاءت التعليقات بين السخرية والغضب الشديد عن انتشار هذا اللون الجديد من الفن علي المجتمع المصري، والذي يحتوي علي كلمات مبتذلة غير هادفة، والتي من شأنها تدني المستوي الفني والموسيقي بين الشباب والفتيات.
شاهد ايضاً: بين النفي و الطرد محمد رمضان ممنوع من حضور السوبر و القرار يسعد جماهير فيسبوك
تعليق خبير يوتيوب علي ارباح شاكوش
وعلق خبير في دعم يوتيوب بمنشور محللاً حقيقة أرباح قناة حسن شاكوش عبر اليوتيوب، بعد ان ساد الجدل بين الجمهور حولها، خاصة بعد ظهور شريكه عمر كمال في بعض لقاءات برامج التوك شو، وعبر بث فيديوهات علي السوشيال ميديا، يوضح فيها أنه لم يحصل علي اي من النقود التي جناها شاكوش.
قال الخبير “الصورة دي بتلف الفيسبوك من امبارح وشوفتها بتاع عشرين مرة فحابب أنوه على كام نقطة.. أول حاجة اللي كاتب البوست ده مش عارف كاتبه بناءً على إيه؟ مفيش أداة أو موقع في الدنيا يقدر يحدد أرباح اليوتيوب.
وأضاف : “أداة Social Blade دي أداة تخمين فقط حتى هتلاقوا جوة المربع الأحمر مكتوب تحت أرقام الأرباح كلمة Estimated.. يعني الأداة بتقول ده رقم تقديري مش أكتر. الأداة عاملة مدى للأرباح الشهرية من 18 – 287 ألف.. معرفش ليه هو خد أعلى رقم بس من الأرباح الشهرية والسنوية”.
وتابع قائلاً: “اليوتيوب ده يعتبر منصة ترفيهية وأعلى القنوات والمشاهدات اللي بتحصل عليه للنوع ده من المحتوى.. مثلا القنوات اللي عدد المشتركين فيها معدي 100 مليون؛ واحدة بتاعت مسلسلات والتانية بتاعت واحد بيصور نفسه وهو بيلعب جيمز. ليه أنا كاتب الكلام ده لأن المقارنة بين أي مهنة مهما كانت وبين صناعة الترفيه أيا كان نوعها دي مقارنة غلط تماما.
وأوضح: “كمان شايف الاتجاه العام إن الناس بدأت تعتنق فكرة إن المحتوى التافه والسطحي هو اللي ينفع في مصر وده برضه غلط. المحتوى الترفيهي هو أكتر حاجة منتشرة على (مستوى العالم) وبتحقق أرباح. زي صناعة الأفلام والكورة والموسيقى وغيره”.
واختتم منشوره: “على سبيل المثال ماتش الملاكمة اللي تلاقي الفائز فيه بياخد أكتر من 100 مليون دولار.. لا واللي يغيظ إن اللي خسر وخد علقة بياخد ملايين برضه.. اللي هو انت لو عالم ذرة وفضلت تشتغل من هنا ليوم القيامة مش هتكسبهم. فلما تلاقي منشورات من النوع ده حاول تتجاهلها لأن تأثيرها سلبي على كل شخص بيشوفها”.
