شعر عن الحب

شعر عن الحب والرومانسية ، يعبر عن الاشواق وعن المحبة الخالصة وعن جمال الحب وعن الاحاسي المرهفة وعن لهفة العشاق وعن فرحتهم وعن طقوس الحب واجواء الحـب الجميلة .

انا برضو العاشق

شعر: محمد عبد القوى حسن

 

من شهد الروح

لروح الروح

تطلع اوراد

وتخط مداد

وتهادى وداد الهوى وتبوح

لحنين مسموح

بيداوى جروح

ولحبك ساعة صفا بيغنى

ويبعد عنى سنين النوح

انا شفتك وردة

بعيونى الشاردة

فعملنا معاهدة ،وفتحنا دروب

شقينا طريق، كان يوم بيضيق

قمنا زرعناه، وبشوق رويناه

خلينا اشجار الحب تغنى

على اول درب تقول الله ،

فجرينا وراه ، لما سمعناه

كان قلبك احلى ، وصفوك انقى

وجمال الروح ، كان لينا دليل

فتعالى وقولى ، ليا المواويل

واتهنى ونولى ، بساتين النيل

طالعة على شطوطى ، بتهادى عيونك

نسمة وضحكايه، بسمه وشجرايه

كان حبك ايه ، ودلوقتى ، اصبح بنور

من شهد ونور

فتعالى نلالى ، بحبك طوالى

حقق فى امالى الكون مكنون

بهوانا رضانا ، اهى مش سايعانا

ف صباح الجنه اطلبى واتمنى

قالت انا عاوزة، العمر القادم

بيكون مضمون

انا ممكن اتعب، واتعب واتعب

طول ما انت معايا، نجاحى مضمون

وانا منك فينك، من شهد سنينك

اهديلك عمرى ، وقليل برضك

ازرعلك شجرى، فيخضر ف ارضك

يامنايا ياعمرى ، وصلاتى وفرضى

بادعيلك فيهم ، زرعاتى اسقيهم

من شهد منايا، فتغنى معايا

غنيوة سحرى،

وتردى ورايا ، دواوينى وشعرى،

الحب الهادى ، والقلب الراضى ،

ييجى الناحيادى ، يلاقينى بهادى

للحب وعمره ، وسنينه وقمره

انت واسرارك ، وحنين اوتارك

تكتبى اشعارك، وانا هايم دايم

اسمع ف علامك، واتهجى كلامك

يسحرنى غرامك ، تطلع ضحكايا

فتغنى ورايا

زى النسمايا، لما بتتهادى

ياصباح البسمه من شهد عيونك

لوجوه مرتسمة ، على خد جنونك

كونتينى واكونك، انا جنة كونك

والسندس انت، والمشمش عندى

والمانجو البلدى، مزروعة ف ارضى

تطلع تتمخطر، وكمان تتغندر

مش هى حبيبتى ، وانا برضو العاشق .

شعر عن الحب

الشعر الشعبى الليبى الرومانسى

فى عيد الحب سلم ع الحبيبة : قصيدة للشاعر محمد عبد القوى حسن

التعليقات
8371

الحالات السلبية

36

الوفيات الجديدة

1079

الاصابات الجديدة

7350

اجمالي المتعافين

1088

اجمالي الوفيات

28615

اجمالي الاصابات

قد يعجبك ايضا