علي غزلان يصور قبر مصطفي حفناوي من الداخل  وتفاصيل الهجوم الناري من السوشيال ميديا عليه ورده عليهم

علي غزلان يصور قبر مصطفي حفناوي من الداخل  وتفاصيل الهجوم الناري من السوشيال ميديا عليه ورده عليهم ، وكانت قد اثارت احدي الصور التي قام بالتقاطها اليوتيوبر علي غزلان الصديق المقرب للراحل مصطفي حفناوي ردود أفعال ساخطة عليه بسبب الصورة والتي التقطها لقبر صديقه ولايعلم بنيته غير الله .

فريق من رواد السوشيال ميديا حاول الوقوف بجانب علي في نشره صورة قبر مصطفي حفناوي واعتبروا إن الموضوع عادي ولا داعي من الهجوم الكاسح عليه خصوصا أنهما اصدقاء وان علي صديق مقرب للراحل مصطفي حفناوي.

وفريق اخر وهو الأكبر سخطا اعتبر إن إخراج علي غزلان لهاتفه وتصوير قبر صديقة وسط تلك الاجواء المحزنة يعتبر تصرف غير لائق بالمرة ونوع من المتاجرة في موت صديقه واقرب الناس إليه .

ونقول رأينا بكل صراحة وليس من الضروري ان يكون هو الصائب وهو إننا يجب أن نحسن الظن في الناس ويجب ان لانعالج الخطأ بخطأ فإذا كان علي غزلان قد اخطأ بتصوير قبر مصطفي فيجب ان لا يكون الرد هكذا ساخطا وناقما ويجب أن نرتقي بكتاباتنا وتعاملاتنا اكثر من ذلك ولا نبرر ماقام به علي لكن لا نتهمه اتهامات باطلة.

وننقل لكم فقرات من الهاشتاج الناري الرائج ألان علي تويتر #علي_غزلان

انا مش عارف ليه الهجوم

انا مش عارف ليه الهجوم علي على غزلان بالشكل دة ما يمكن افتكر ان كدة بيعمل حاجة لصاحبة وبيخلي الناس تدعيله ما انت هتعمل ايه لشخص توفاه الله غير الدعاء، محدش فينا يعرف اللي في قلب

 

ردًا على

@AliElabaSiry

انت بتعمل علشان تتشهر والناس برضه بتديك المقابل من الألم النفسى والجلد الل على غلطه سواء عملتها او لا بس يكفى انها تكون غلط من وجهة نظرهم هما، ومها تبرر إنت خلاص بالنسباله وحش رغم ان الل بيحكم ممكن يكون أسوء بكتير بس انت بالنسباله حطيت نفسك ف المكان الحلو الاول فتلبس جامد ف الوحش

 

على غزلان نزل صوره وقال بعد كدا انه مش مصورها وانه غلط الناس معظمها قالوا كذاب لانهم شايفينه بالطريقة الل جواهم من ناحيته حتى لو هو مش كدا اياً كان الشخص وحش فهو بيتألم ألم نفسى رهيب لما كل الناس تتفق انه وحش وخصوصا لو ف حاجه الناس فاهمينها غلط او محصلتش الموضوع مؤذى

للتوضيح بس مصطفى حفناوي كانت من اكتر الناس القريبين من علي غزلان فأكيد علي مش هيعمل حاجه تزعله في أول يوم في قبره علشان يلم فولوز والهبل ده زي ما انتوا عمالين كده تهيصوا في الهيصه وخلاص ،بدل ما تدعوا لي مصطفى بالرحمه عمالين تتكلموا في حاجات هبله زيكم

#علي_غزلان

يحضرني سؤال بيراودني، هل لو هو من الناس اللي قلبها مكسور عشانه ومقهوره م الحزن عليه وف عز الدفنه ومشغول بحزنه وعياطه هيطلع الموبايل ويصور القبر عشان ينزله ويكتب ادعيه عليه؟؟؟؟؟

 

mohamed mobarak

الاشكال اللي زي #علي_غزلان انتو اللي عاملين ليها قيمة ولا بيقدموا اي حاجه مفيده ولا ليهم لزمة اصلاً

ليه يابني القرف ده؟؟؟ ليه الناس كلها بتدعيله و محدش اتكلم كلمة كل الناس زعلانة عليه لازمته ايه الي بتعمله ده ياخي؟؟ حقيقي علي غزلان ده مريض

الناس بقت غاوية شهرة

الناس بقت غاوية شهرة حتي لو علي حساب الاموات

واحد، يطلع قولك انه كان في الدفنة وشافه بيطلع موبايلة وبيصور

والتاني اللي المفروض صحبة سي

#علي_غزلان

طلع بينكر انه عمل كده وان دي صوره وهو كتب عليها الدعاء

وجه مفكر

ارحمو نفسكم لا لايك هاتنفع ولا شير هاتنفع ولا فلوس هاتنفع كله رايح

هل لك سرا عند الله يامصطفي ؟

الدنيا كلها بتحبك وبتدعيلك 🙏🏻

قوم يا صاحبي وشوف بنفسك .

شوف كام واحد ساب شغله وحياته وقاعد تحت رجليك مستنيك تفوق وترجع تهزر وتضحك معانا تاني .

شوف كام واحد لسانه مبيبطلش يدعيلك وصلواته مبتخلاش من دعوه ليك .

قوم شوف مصر كلها زعلانه عليك ازاي .

قوم اخرج واملي الدنيا ضحك زي ماكنت معودنا .

قوم هدي امك اللي قلقانه عليك دي وعرفها انك كويس بدل ماقلبها مفطور عليك .

قوم ، متتعبناش . في ناس كتير بتحبك هيحصلها حاجه لو مقومتش .

ادعوله بالله عليكم يمكن تحصل معجزه من عند ربنا ويرجع وسطنا

 

رد علي غزلان علي كل الاتهامات الذي نشره علي صفحته الرسمية علي الفيس بوك

 

حسبي الله ونعم الوكيل

صفحه منزله صورة لقبر #فاضي ، خدت الصورة ونزلتها وكتبت عليها دعاء .

الناس داخله تقول اني بشير قبر مصطفي وان مصطفي جوة وحرمه الميت !! دي صورة لقبر فاضي اقسم بالله ومش انا اللي مصورها .

حرام عليكوا ، انا مش ناقص ، حرام تتاجروا بيا عشان تلموا لايكات وتشتموا ! حرام عليكوا وربنا .

احنا مش ناقصين ! احنا تعبانين ! حرام عليكوا انا طول الجنازة ممسكتش موبيلي اصلا ولا طلعته من جيبي وعزه جلال الله .. الناس كانوا معايا تقدروا تسألوهم .

قسماً باله مصورتش ومنزلتش حاجه .

الناس بدل ماتدعي لمصطفي داخلين يشتموا ويختلقوا مواضيع كذب وافتراء !

 

وانتوا متشيروش حاجه لاي حد قبل ماتتاكدوا منها ارجوكم .. في ناس قذره ربنا ينتقم منهم بيصطدوا في الميه العكرة .

حسبي الله ونعم الوكيل ،، اتقوا الله ..

التعليقات مغلقة.