فى عيد الحب سلم ع الحبيبة : قصيدة للشاعر محمد عبد القوى حسن

فى عيد الحب سلم ع الحبيبة : قصيدة للشاعر محمد عبد القوى حسن

فى عيـد الحب ارسل هذه القصيدة الى معشوقتى الابدية حبيبة القلب التى لا يحل محلها احد فى قلبى صاحبة السمو والسعادة اميرتى التى اشرقت بطلعتها البهية فانارت الكون كلة ببسمتها واينعت واشرقت وازهرت وغردت وحلقت كسندسة جميلة فى رياحين قلبى المتيم بحبها ابد الدهر .

 

فى عيد الحب

سلم ع الحبيبة

حبيبة القلب

اللى دايما قريبة

فى عيد الحب

 انا اشيلها ف عيونى

حبيبة القلب

اللى دايما مجيبه

تجيبنى بذوق

وانا اوهب ليها روحى

اليها الشوق

مع فرحى وبوحى

وبدعى الرب

ترضى بروحها عنى

دى جوة القلب

وحتة لحم منى

ودمى اللى بيجرى بين عروقها

اليها النبض وتدوم لى بشروقها

وعودى يشب بين بستان امانى

امانى الشوق هناك عند الحبيبة

تمدى خطاكى ياحلوة تجينى

مكانك بين قليبى وبين حنينى

تخش بذوق ف اجمل حته فيا

مكانك ياحبيبتى بين عنيا

يافرحة عمرى انت وياسمايا

وبسمة قمرى  انت و ياهنايا

منايا اكون دايما جنب منك

واكون ياغالية عند حسن ظنك

ولا يوم تغضبى ياروحى منى

اذا تغضب حبيبتى اموت ف لحظة

واذا تفرح حياتى ترد فيا

عنيا انتى يانجمة هوايا

منايا انت يابسمة رضايا

وراضى عليك طول عمرى وبرضك

راضى عليك  بعد منتهايا

حبيبة القلب اللى دايما قريبة

حبيبة القلب اللى دايما مجيبة

 

قد يهمك أيضا

رسالة عشق : للبنت السابحة ف روحك .. اجمل سلامات

فى عيد الحـب رسالة قلبى الى قلبها

التعليقات
قد يعجبك ايضا