مراجعة لفيلم الفيل الأزرق 2 قصة رائعة وآداء تاريخي لكريم عبد العزيز وهند صبري

مبدئياً انا لست من هواة مشاهدة الأفلام العربية، ولكن فيلم الفيل الأزرق تجربة مختلفة جدا جدا، وهينقل السينما المصرية في موضع آخر مختلف، ومن رأيي فيلم الفيل الأزرق 2 من  أفضل الأفلام في تاريخ السينما المصرية إن لم يكن افضلهم فيما يخص المؤثرات البصرية والجرافيكس والإخراج والتمثيل والموسيقى وبالطبع الرواية.

أحداث فيلم الفيل الأزرق 2:

الفيلم عبارة عن ساعتين من الإثاره والرعب والرعب النفسي وسط أحداث متسارعة من اول الفيلم لأخره مخك مش هيعرف ياخد بريك دقيقه واحده…الثلاثي هشام نزيه ومروان حامد وطبعا احمد مراد تفوقوا على نفسهم في الفيلم ده فيما يخص الموسيقى والاخراج والرواية ابداع ما بعده ابداع.

قد يعجبك أيضاً:

فيلم الفيل الأزرق 2 يحقق إيرادات تقترب من 60 مليون جنيه بعد 17 يوم عرض

كازابلانكا على ايجي بست وتسريبات الفيلم إلي المواقع العربية المفتوحة

تفاصيل التمثيل وآداء طاقم التمثيل:

ندخل في تفاصيل التمثيل ونتكلم عن أداء هند صبري العظيم جدا واللي يستحق جايزه بدون أدنى كلام في اتقانها لدورها، كريم عبد العزيز تفوق على نفسه وتقمص دور الدكتور النفسي بشكل عظيم جدا اكتر كمان من الجزء الاول.

لابد وأن نتحدث عن شخصيتين آخرين من الممثلين واللي عملوا دور عظيم بالرغم من قصر مدة ظهورهم، وهم إياد نصار وإجادته لدور الطبيب النفسي اللي مش بيثق في حد، وطبعا العظيم خالد الصاوي اللي بالرغم من ان ظهوره مطولش عن خمس دقايق إلا أنه عمل بصمه عظيمه في الفيلم وكان دوره محوري في فك طلاسم كتير.

الفيلم من وجهة نظري أعلى بكثير من الجزء الأول خصوصاً أن الجزء الاول كان له رواية قبل الفيلم، والفيلم أحداثه كانت مقاربه من الروايه لكن الجزء التاني أحداثه غير متوقعه تماما.

الفيلم من رأيي أديله ٩.8 وده رقم كبير جدا على فيلم عربي وتقييمه من وجهة نظري أفضل من أفلام اجنبي مشهوره كتير.

واخيرا لو مدخلتوش الفيلم في السينما هتندموا جدا جدا.

Your new content here