نشرت ابنة الممثل الهارب محمد شومان فيديو علي وسائل التواصل الاجتماعي تتبرأ فيه عن والدها وتتحدث فيه عن البيان الذي نشره والدها يناشد فيه الحكومة المصرية لإنقاذ أسرته التي تموت بالبطيء، علي حد قوله، وأن يتم الافراج عن ابنه بدون أي شرط، حيث علّقت لوجين محمد شومان”احنا مش اسرتك.. احنا لسنا لنا أي علاقة بك.. انت مجرد اسم ع البطاقة وحالولنا كتير نشيل اسمك من علي البطاقة بس معرفناش”.
بيان محمد شومان
وقد نشر محمد شومان علي صفحته الشخصية بيانًا يقول فيه: “أنقذو أسرتي من الموت البطيء، قامت قوات الأمن باغتيال نجلي أحمد وشقيقي فؤاد وإخفائهما قسريا، ثم وجهت لهما اتهامات بجماعة ارهابية، إن هذا الاعتقال هو مجرد تصفية حسابات سياسية خارج إطار القانون.
وأردف في بيانه: “لا يوجد فرد بعائلتي لديه أي انتماء لأي كيان سياسي، إنني أحمل النظام المصري سلامة أسرتي، وأدعوه للافراج غير المشروط عنهم، كما أناشد المنظمات الحقوقية بسرعة التدخل للإفراج عن أسرتي لاسيما مع تواتر أنباء عن تفشي كورونا في السجون المصرية في ظل التكدس و إنعدام الرعاية الصحية وسوء التغذية وهو ما يعرض حياتهما للخطر”.
تعليق لوجين علي بيان والدها
الأمر الذي دفع ابنة محمد شومان لتسجيل الفيديو، خاصةً أنها كانت تتجنت ذلك في السنوات الماضية إلى أن نشر والدها هذا البيان، حيث قالت:”انت مش من حقك تطلع في بيان تتكلم بلساننا، انت مش رب أسرتنا، احنا رب أسرتنا أمنا،أنت مش مسئول عننا، ولا مسئول مننا، احنا قطعنا كل ما له علاقة بيك من خمس سنين، وابنك اللي انت بتناشد السلطات انها تفرج عنه انت ماتحملتش مسئوليته من وهو عنده سنة ونص، واللي اتربى مع مامته، وطلع مع مامته”.
وأضافت لوجين محمد شومان : “اتكلم عن أخوك أو عن ابن اخوك براحتك بس ملكش دعوة بينا، هما بيحققوا مع أخويا عشان يتأكدوا إنه مالوش أي صلة بيك تمامًا، و هيطلع بس ماتدخلش، ولو انت عايز تعمل فيها صورة الأب اللي بيتحمل مسئولية أفعاله إنزل بلدك وواجه دا بنفسك، بس ماتبقاش قاعد في بلد تانية وتتكلم باسمنا، واحنا فعلا مالناش أي صلة بيك”
و أردفت: “احنا بنوجه رسالة للسلطات انها تساعدنا اننا نتبرأ تماما منه و انه مايبقاش حتى اسم على البطاقة”. ثم وجهت الحديث له: “ارجوك ماتتكلمش عننا، ماتتكلمش بلساننا، وماتطلعش بيانات احنا عارفين ان دا مجرد صورة وانك بتعمل دا بس عشانك، وانت بتقول اننا بنموت بالبطيء و ان وجودنا في مصر أذى لينا، احب أقولك ان دا قرارنا و مافيش أي أذى من الدولة علينا، و حابين نفضل عايشين هنا، وجودك هو الأذى الوحيد في حياتنا”.
