“اختك بتصرف عليك وعلي ابنك” .. أحمد العوضي يهاجم شقيق ياسمين عبد العزيز

نشر الفنان أحمد العوضي عبر صفحته الشخصية علي موقع “فيس بوك”، رسالة شديدة اللهجة ليرد فيها على وائل عبد العزيز، شقيق النجمة ياسمين عبد العزيز، هاجم فيها العوضى الأخير بسبب علاقته بشقيقته، والتي لاحظها وتحدث عنها الجمهور بعد احتفال العوضى مع ياسمين بذكرى ميلادها الـ40 يناير الماضي،

وتناول الجميع أخبار ونميمة وشائعات عن قصة حب تجمع الثنائي، بل وتعرض العوضى لأسئلة من الصحفيين والإعلاميين فى اللقاءات التى ظهر فيها عن طبيعة هذه العلاقة.

رد أحمد العوضي علي وائل عبد العزيز

وظهر في الصورة المتداولة، رد أحمد العوضي على شقيق ياسمين، لكنه غير موجود على حسابه الشخصى على موقع التواصل الاجتماعى “فيس بوك” ولم يتنس التأكد من صحته أو مصدره هل نشره بالفعل ثم حذفه أم أنه “بوست” مزيف.

وبحسب المنشور المزعوم قال العوضى: “أنهي بيت اللي أدخله من بابه..  إن كانت هي اللي بتصرف عليك وعلى أبنك اللي مخبيه وراميه وهي بتدفعله مصاريف مدرسته .. باب إيه يابني أدخله هو  أنا شفت راجل واقف جنبها.. دي واحده انت مبتعملش حاجه غير إنك بتستنزفها هي ومامتها”.

وتابع البوست: “باب إيه يابني اللي هدخله من بابه وأكلم واحد بيتكلم على عرضه ولحمه قدام الناس.. يابني أنا من عين شمس منطقه شعبيه اتربيت على أن الاخت والأم والست الكلام عليهم من الكبائر.. عربية إيه يابني أنا أجري الحمد لله يعيشني كويس ويجيبلي عربية حلوه وبیت كويس.. بمجهودي وشغلي مش علي عرق واحدو ست.. باب إيه يا حبيبي اللي ادخله وانت اصلا عايش باسمها.. أنا شقيت على حالي بعرقي.. لكن أنت فشلت في كل شئ فشلت كممثل وفشلت كأب وفشلت كأخ وفشلت كبني أدم”.

وتساءل مستخدمو مواقع الاجتماعي عن صحة المنشور وهل حذفه بعد ذلك هل كان خائفًا من الهجوم عليه، أم أنه مزيف؟.

شاهد ايضاً: شقيق ياسمين عبد العزيز يغلق حسابه علي “فيس بوك” بعد تهديدات جمهورها

رسالة شقيق ياسمين عبـد العزيز

وفي وقت سابق، كتب وائل عبر حسابه بـ”فيس بوك”، : “بصي يا ياسمين يا عبد العزيز يا أختي، أنا معاكي وفي ضهرك من وأنتي صغيرة، شيلت مشاكل كتير بسببك، من وأنتي عيلةصغيره بدايه من مشاكلك مع الشاعر وبرادة، وأنتي عارفة أن أنا أتاذيت فيها إزاي وقضيته الشغالات مؤخرا غير قضيه الضرب اللي كانت بينك وبين بنت هشام سليم الممثلة اللي لبستيها التورتة في وشها”.

وتابع: “وقفت جمبك بكل ما أملك من قوة أدافع عنك في كل موقف صعب مر عليكي، ونسيت حياتي ونفسي عشانك وبقي كل همي أنا “ووالدتك ” إنك تكبري وتبقي نجمة في مجالك.. سيبنالك اختياراتك كلها لنفسك ووفقنالك على معظم قراراتك وكنت الوحيد اللي ساندتك ووقفت جنبك في طلاقك.. لكن هنهرتل وتروحي تعرفي واحد أصغر منك بـ 10 سنين لا من سنك وتتصوري صور مالهاش أي لازمه على حساب سمعتك وسمعتنا لا ومحدش هيسمح.. من أمتي وإحنا بنعمل أعياد ميلاد وتنزل على السوشيال ميديا.. من امتى الناس بتجيب في سيرتنا !؟ ونقعد نتعاكس على السوشيال ميديا”.

واستكمل: “ومع ذلك حياتك وأنتي حرة فيها.. أنا هتكلم على الشق اللي يخصني.. أنتي مقاطعة كل العيلة عشان تعملي اللي على مزاجك.. إحنا دلوقتي وعايزين نفهم العلاقه دي إيه و رايحه علي فين.. أما بالنسبه للأخ الي ماشي وراكي في كل حته وشايفك البيضه الدهب الي هتفقسله كل يوم احب أقولك يا راجل لما تيجي تدخل بيت تدخله من بابه يا راجل !! وتقعد مع رجاله البيت..دي الأصول وده الإحترام”.

واختتم:  “وطبعا لإنك عارف إنك مرفوض رافضا باتا فا عمرك ما هتعمل ده ومعندكش غير طريق الشمال اللي أنت سالكه من سنين مع بنات الناس.. أنا من رأي كفايه عليك البطولة اللي أخدتها والعربية المرسيدس الهدية.. وتركز في شغلك وتسيبنا في حالنا لأن طول عمرنا في حالنا ومحدش سامع عننا حاجه وملوش لازمة جو الصور والمعاكسات ده وأنا مبخفش من تهديد حد !!”.