نشر الفنان محمد ممدوح عبر حسابه الشخصي علي موقع التواصل الإجتماعي فيس بوك، رسالة ذات طابع إجتماعي يتحدث فيها عن حصيلة 4 سنين من الزواج.
ننشر لكم رسالة الفنان محمد ممدوح عن الزواج:
بعد 4 سنوات جواز قدرت اوصل لاكتر حاجة مبهرة فيه (بعيدا عن قصص الحب الاسطورية اللي بقى طعمها ماسخ)
المبهر بجد انك تدخل محل ملابس حريمي تلاقي راجل ماسك بيبي و بيلف ورا مراته و مش مكشر ولا صوته جايب اخر المحل بيسبلها .. لا مبتسم و بيقولها ادخلى قيسي يا حبيبتي مستنيكي.
الحلو في الجواز ان لما هيا بتصحى 300 مره تغير للبيبي و ترضع و تنيم يصحى هو في مرة منهم مرة واحدة بس يقولها نامي يا حبيبتي خليها عليا.
المبهر في الجواز انها تلاقيك بتساعدها في البيت والله عادي هتفضل لسه راجل واقتكر دايما ان النبي كان في خدمة اهله.
تسمعلها وانت مركز وتحترمها قدام اهلك .. بيفرق اوي مع الست ازاي بتعاملها قدام الناس مش قلة رجولة منك انك تقدرها قدام اهلك ولا انت كده هتبقى ماشي ورا مراتك .. بالعكس دي قمة الرجولة.
=الفكرة مش انك عملت اللي متعملش و قررت تتجوز لا عادي حتى الحشرات بتتجوز .. الفكرة انت فعلاً تستاهل ان واحدة تسيب بيتها و اهلها اللي كرموها و احترموها و تدخل بيتك ولا لا.
مقالات ذات صلة:
- شاهد لقاء ياسمين عبد العزيز مع مني الشاذلي كامل.. مفاجآت مثيرة عن حياتها الخاصة
- بعد تسريبات فيلم “خيال مآتة” بعض السينمات تسحب الفيلم وتمنع بثه بدور العرض
- خناقة احمد عز وزينة مش هتعترف بولادك بقى أنا كنت حالفة لو شفتك هضربك بالجزمة
