تسبب خبر وفاة اليوتيوبرز الشهير مصطفي حفناوي في صدمة عارمة عبر السوشيال ميديا لأصدقاءه ومتابعيه وجمهور منصات التواصل ايضاً، حيث شارك الملايين من الرواد في العزاء، داعين الله أن يتغمده برحمته ويسكنه فسيح جناته، بعد معاناة لأيام مع المرض المفاجيء والذي عقب عليه الجمهور بأنه نتيجة “الحسد”.
مرض مصطفي حفناوي المفاجيء
نشر عمرو راضي عبر صفحته الرسمية متحدثاً عن مرض حفناوي بذلك المنشور: “هوا تعب امبارح وجمبه كان واجعه جدا .. رُحنا الطوارئ خد حاجات مُسكنه و الوجع خف واطمنا ..و هزرنا عادي وروحنا .. تاني يوم *انهارده * تِعب تاني الصبح رُحنا المستشفى وهوا كان سايق عادي.. اتحجز عشان يعمل أشعة السبغه .. قبل الاشعه رجّع وفجأه بدأ يغيب عن الوعي.. اتعمله اشاعه ع المخ ..طلع جلطه ف المخ … ارجوكم .. رجاء خاص من كل اللي يعرفوني واللي ميعرفونيش .. إدعوا ل حفناوي عشان هوا محتاج دعواتكم .
ولو تكرمتم اعملوا شير وخلوا الناس تدعيله . عشان خطري … ادعوله … يااااااارب . إلهي أذهب البأس ربّ النّاس، اشف وأنت الشّافي، لا شفاء إلا شفاؤك، شفاءً لا يغادر سقمًا، أذهب البأس ربّ النّاس، بيدك الشّفاء، لا كاشف له إلّا أنت يارب العالمين، اللهم إنّي أسألك من عظيم لطفك وكرمك وسترك الجميل، أن تشفيه وتمدّه بالصحّة والعافية، لا ملجأ ولا منجا منك إلّا إليك.
شاهد ايضاً: من هو مصطفى حفناوي ويكيبيديا | معلومات جديدة
رسائل وداع مصطفي حفناوي
ودع اصدقاء مصطفي حفناوي رفيق دربهم وصانع سعادتهم عبر رسائل نعي مؤثرة، علي صفحاتهم الشخصية والرسمية، ذاكرين المواقف التي جمعتهم بمصطفي وكيف كان سببا في سعادتهم، بنقاء قلبه وضحكته المبهجة.
كتبت الفنانة مي كساب عبر حسابها علي “تويتر”: انا لله وانا اليه راجعون نسألكم والدعاء خالص التعازي لوالدته واهله وكل محبيه، كان شخص طيب ومحبوب من كل أصحابه مصطفي حفناوي في ذمة الله.
وقال خالد جاد: “مصطفي راح بين ايد رب رحيم وكريم كان نفسي أودعه زي صحاب كتير راحت وأنا في الغربة وماقدرتش أودعهم ولا اشوفهم حتي لآخر مره، مصطفي راح وساب وراه كام ذكري حلوه بس غمر عليهم كلهم وجع القلب والحسرة، ربنا يرحمك ويغفرلك ويرزقك الجنة والفردوس الأعلي يا مصطفي.
مصطفي له ضحكة مميزة بصوت مميز تخليك تبصله وتفضل تضحك بس اللهم لا اعتراض خلاص انطفت. والله أشهد أمام الله وكل الناس إن الشخص ده صاحب قلب نضيف وأبيض وطيب الله يرحمك ويغفرلك يا ابو الطيبة يا طيب اللهم يرحمك يا مصطفي. الله يرحمك يا جدع.
لو بتحبوا مصطفي فعلاً ادعوا له دايماً بالرحمة واقرأوا له قرآن، اعملوا عمل خير ليه على قد ماتقدروا ادعوله في الحرم واعملوله عمره، اذكروه بكل خير. مصطفي راح بين ايد رب أحن عليه مننا كلنا وهو أرحم بيه يارب اغفرله وارحمه وتجاوز عنه سيئاته واغسله بالثلج والماء والبرد ونقه من الذنوب والخطايا كما ينقي الثوب الأبيض من الدنس.
اللهم أكرم نزله ووسع مدخله اللهم ابدله داراً خيراً من داره وأهلاً خيراً من أهله، اللهم إن عبدك وابن عبدك وابن أمتك احتاج إلى رحمتك، وأنت غني عن عذابه، إن كان مُحسناً فزده في حسناته، وإن كان مُسيئاً فتجاوز عنه يا أرحم الرحمين يالله، الله يصبر قلب أمك وأصحابك واخواتك الله يربط علي قلب أمك و علي قلوبنا يارب
قال عمرو راضي: “خلاص هتسبني! خلاص نويت تمشيني ب نص قلب ! خدت ايامنا اللي جايه كلها معاك وسبتني… يا وجع قلبي عليك يابني . مع السلامه يا عنيا..مع السلامه يا حلاوة الدنيا.. سلّملي على ابويا ..سلملي على جِدّتي.. قلبي اتقسم وهيفضل يدوّر عليك ف كل شارع”.
