رسالة عشق : للبنت السابحة ف روحك .. اجمل سلامات .. من اليوم فصاعدا الشاعر ” محمد عبد القوى حسن ” عضو اتحاد كتاب مصر يكتب لقراء محبوبتنا ” الريادة نيوز ” اجمل رسائل عشق لم يكتبها حبيب لحبيبته على مر العصور .. اهداء خضيضا .. لجدوال لسة ماعشناها .. وشطوط راح نحلم بلقاها .. وسنين حلوه بنستناها .. انا وقمراية روحى ياما احلاها.
تعالوا نبحر سويا في عالم الرومانسية الجميل
من صفو الروح
اكتب للبنت اللى بحبها
مليون سلمات
غنيلها اغانى الابتهاجات
ارقص بها ليلك والصباحات
عدى بها شطوط وبحور كل الولايات
ف خليج النسمة البسمة الراسمة سنينك
ف جداول عمر حنينك
اكتب من شهد الليل كلمات
وعلى المناديل غنيلها مواويل العشق الابدى
وامنحها السحر الداكن ف الحارات
البت السابحة
ف جدول روحك
اقطف من شهد جنونك
اجمل وردة
واهديها لروحها الحلوة معايده
البنت البنت البنت
دى اجمل بنت
ف كون الكون والا ايه
دالفرحة الكبرى بتاع القلب
الدايب عمرة ف المشاوير ما ارتاح
داير سواح
والله مالاقى لروحك شط
غيرشى تجيلك ورداية روحك
تظهرلك كدهو فجاة
وتاخدك بالحضن
وتقولك انا بهواك
بهواك ازاى انا بس ..
وانا روحى حداك
واخدنى منى ياقلبى
لسنين سنوات
شايلانى ف ننك
وانا شايلك
فى اعماق اعماق النبضات
وبشمك نسمة
ترد الروح التايه ف المتاهات
وتاخدها وتهنيها وترضيها
وتسهرها بطول الليل سلامات
سلامات يام القلب النابض
بالحب البكر المتوحد
بين بساتين الزهرات
زهراية عمرى انت ياعمرى
خدينى اسبحبك بين شراينى
واعبى ف قلبى الامنيات.
واكتبلك دواوينى الجايه
واوهبلك عمرى القادم كله
ماعمرى امله هواك ياستى
وتاج راسى اميرتى
واجمل من كل بنات انتى
ايوة والله اجمل من كل بنات
انتى الفرحة البكر
الابكر من بكارة الحوريات
***
رسالة عشق
قد يهمك أيضا
دراسات حديثة تثبت فوائد الكوارع في حرق دهون البطن و نضارة البشرة وقوة الشعر
