سخرية وغضب من قبل رواد مواقع التواصل الإجتماعي عقب تصريحات المغنية اللبنانية ميريام فارس في مؤتمر موازين بالمغرب، حيث صرحت اللبنانية بأنها لم تُقبل علي إقامة حفلات في مصر منذ فترة بعيدة ” أجري بقا عالي عليهم” لأن أجرها أصبح مرتفع علي مصر.
هذا التصريح أثار جدلاً واسعاً وصدرت عنه ردود فعل عنيفه بعضها يشمله الغضب وأخري تحمل بالسخرية، الجدير بالذكر أنه جاءت بعض الإنتقادات من نجوم الوسط الفني الذين أزعجتهم تصريحات اللبنانية.
جاء رد الشاعر الغنائي أمير طعيمة عبر حسابه علي فيس بوك كالآتي
ميريام فارس:
فيه نجوم عالميين كتير غنوا في مصر بعد الثورة، و اجر Yanni في حفلتي الاهرامات تخطي المليون دولار،
معظم نجوم الصف الاول في لبنان أقاموا حفلات في مصر زي إليسا و نانسي و راغب و حتي العظيمة ماجدة الرومي و قائمة طويلة، و أنا و إنتي عارفين انهم بياخدوا أجر يفوقك بمراحل و انا و انتي عارفين الأرقام و الفرق الكبير بينهم و بينك.
إنتي مش تقيلة علي مصر خالص، إنتي بس أرشيفك اللي مش تقيل كفاية عشان يبقي عليكي طلب في بلد زي مصر، فالأفضل تشتغلي علي نفسك و تعملي الشغل اللي يخليكي تبقي مطلوبة في مصر بدل الحجج اللي دمها تقيل دي.
و الله اترددت كتير قبل ما أكتب البوست ده، بس ما ينفعش برضه اعمل مش واخد بالي.
بلاش مصر يا ميريام، ان مكانش من باب الأدب يبقي من باب الذكاء.
غرد المطرب والملحن المصري، رامي جمال، ردا على ميريام قائلا “الفنانة اللي بتقول إنها بقت تقيلة على مصر ليا عندها فلوس بقالها سنة والله.. ادفعيهم الأول يا تقيلة”.
