تحدث مطرب المهراجانات عمر كمال، عن حمو بيكا وحسن شاكوش، وذلك خلال استضافته مساء اليوم الأحد، في برنامج “شيخ الحارة”، والذي تقدمه المخرجة إيناس الدغيدي على قناة “القاهرة والناس”.

وقال عمر كمال: “حمو بيكا سبب شهرتي أنا وحسن شاكوش أمام الجميع، واللي يقول غير كدة يبقى إنسان ناكر للجميل”، مشيراً إلى أن حمو بيكا كان براند للمهرجانات في مصر.

وأكد عمر كمال، أن حمو بيكا طيب وإنسان غلبان وقلبه أبيض، مضيفاً إلى أن حسن شاكوش “مش سالك” من جواه للي حواليه.

عمر كمال ومشكلة شاكوش

وانتقد عمر كمال طريقة حديث زميله حسن شاكوش عنه في وسائل الإعلام، قائلا: “المشكلة بيني وبين شاكوش مش مادية ولكن مشكلة أدبية، وأنا مش بحب شغل الصفار واحنا كدة بنتعامل بميت وش، احنا بشكل عام بنتكلم لكن اللى فى القلب فى القلب وده شغل نفاق”.

وقال عمر كمال: “هو بيسعرني على أساس إيه، أنا أجري زاد بتعبي ومجهودى، واللي زودنا ربنا وقسملي رزقي وأنا إنسان شبعان وأنا كنت بتكلم في حقى الأدبى، وأنا قعدت فترة مش موجود وكان حسن اللي متصدر للمشهد ولما نزلت بعد شهر ونص لقيت الإعلام مترسخ عنده إن بنت الجيران بتاعت حسن شاكوش وطالبت بحقي الأدبي فقط”.

فيديو جوهرة وعمر كمال المسرب يحصد 30 مليون مشاهدة للكبار فقط +18

عمر كمال: حسن شاكوش اعتزرلي

وتابع عمر كمال: “حسن شاكوش كلمني بعد حلقة شيخ الحارة اللى ظهر فيها واعتذر لى بس أنت متشتمنيش في شارع وتصالحنى فى حارة”.

وبرنامج “شيخ الحارة”، من البرامج الحوارية التي تعتمد على التصريحات الساخنة وكشف حقائق لأول مرة عن نجوم الفن والرياضة والإعلام والمشاهير.

ومن المقرر أن تستضيف إيناس الدغيدي، خلال حلقات شهر رمضان مجموعة من نجوم الفن والرياضة المثيرين للجدل من أبرزهم، محي إسماعيل وسهير رمزي وإدوارد وعبد الباسط حمودة وصفية العمري، وحسن شاكوش، وتامر هجرس، وإنجى على، وفريدة سيف النصر، والمنتج أحمد السبكي، وغيرهم من النجوم.