فى عيد الحب رسالة قلبى الى قلبها ، الى القلب الذى وهب الحنان لقلبى فى عيد الحب اقول له ياقلب حبيبتى ما اجملك من قلب .
ياقلب حبيبتى الذى يهتف باسمى كل يوم انت الذى منحتنى الحياة من جديد لكى احيا فيها واحس بطعمها الجميل وانت ياقلبها اجمل قلب وانقى قلب واحب قلب واعشق قلب واوفى قلب واطيب قلب وانضج قلب .
فى عيد الحـب اسلم على هوانا وفجر ضحكتنا العفية الذى منحنى النور والبهجة والفرح والسرور وجعلتنى ” داير اتطنط زى الاطفال .. وافط وانط ع ورق الشجر واصرخ ف الكون واقول مجنونك انا يابنت الروعة وبحبك اه وبحبك ايه وبحبك قد الحب اللى ماتقدرش عليه .
فى عيد الحـب اهمس فى اذن جميلتى الصغنونة وصغنونتى الجميلة ووردة ابتسام امانى الروح لاقول لها ، انت التى سطرتى اجمل اسطورة للحب فى التاريخ لم يسبقك فيها احد ، فلقد قرأت عن اول عاشقة فى التاريخ وهى ايذادورا وقارنت بين حبك لى وحب ايذادوا لحبيبها وجدت احاسيسك المرهفة التى تمنحينى اياها اعظم بكثير من ايذادورا ، وكما قلت لك ايضا ان قصة حسن ونعيمة الخالدة والتى كانت ترمى بمنديلها لحسن وهى فى نافذة شباكهم ليغنى لها على المنديل وكان حسن مغنواتى يجيد الغناء بصوتى لكنى ساجعل الكلمات تغنى لك لتقول للعالم ان هذه البنت لديها حب اعظم من حب نعيمة محبوبة حسن فسوف ارتجل لك كلمات على الهواء الان مباشرة فى عيد الحب واقول .
شدانى شدانى
انت اللى ساحرانى
واخدانى من روحى
انت دوى جروحى
شايلك مابين عينى
تعاليلى ياعينى
وهاتى وردايه
ونسمة وحكاية
نجلس على المينا
والميا حوالينا
ونبص للقمرة
تنزل ف وسطينا
وتقول ياحمو
البنت دى جنينه
مليانه بورودها
عودها وموعودها
مشيتها كالطيرة
ضحكتها دى خطيرة
نظرتها بتدمر
لمستها بتفجر
براكين على شطى
طارحة مابين ارضى
بساتين من الازهار
بتغنى للاقمار
وانا اكتب الاشعار
لحبيبتى ماتكفى
نظرتها دى تشفى
بسمتها فاتحالى
دروب وراويانى
بحور وعاشقانى
شهور من الاسفار
سنين من الاوتار
معشوقها انا والله
وبعشق الطله
وساعة تكون هاله
بتوزع الفرحة
وبتفرش الطرحة
نقعد انا وهيا
وتغنى لعنيا
اجمل اغانينا
***
فى عيد الحب
قد يهمك أيضا
