قصيدة هنا القاهرة رسالة الشاعر محمود حسن البنا من الزقازيق إلى الأشقاء العرب

وجه الشاب الشاعر محمود حسن البنا رسالة إلى الأشقاء العرب في قصيدة جديدة بعنوان هنا القاهرة.

وأشار الشاعر محمود حسن البنا في قصيدة هنا القاهرة إلى الوحدة العربية والتلاحم الأسري بين سكان الوطن العربي وما يجمع بينهم من ترابط وألفة ومحبة.

كلمات قصيدة هنا القاهرة

#هنا_القاهره

الي بغداد وحشتيني

دمشق العشق مقديشيو

وعزة غزه يافلسطين

نموت فيكم وتنعشقكوا

منامه جيبوتي وموروني

احب ترابها حبوني وحبتهم

بدون تفكير وبالفطره

ونشرب قهوه في سوسه

ياتونس بلدي ياخضره

ياحضن وبيت

فداكي الروح ومتكفيش

فيديو قصيدة هنا القاهرة للشاعر محمود حسن البنا

https://www.facebook.com/Mahmoud.Hassan.official/videos/396484177924239/

فدا ترابك كمان ياكويت

كواني الشوق الي َعمان

وطيبه اهلنا في ُعمان

ومنها اطير الي بيروت

تلاقي الفرحه ساكنه بيوت

بتدعي لي لييا أهالينا

ونبعت برده برساله

الي الامارات وحشتينا

يادوحه رياض جزايرنا

وسلام يارباط

بنبعت ليكوا بالاشواق

سلامنا اليكي يا صنعاء

من الوطن العربي

الي الوطن العربي

هنا القاهره

هنا الاهرام ووادي النيل

ووادي ملوكنا في الاقصر

هنا القلعه وصلاح الدين

هنا الازهر تعالي اقرا وتعالي اذكر

هنا الأجداد هنا الحضارات

هنا هيروغليفي ومسالات

هنا احنا نحبكم جدا

هنا احنا نحبكم برشا

هنا احنا نحبكم بزاف

هنا في بلادي ليكوا اخوات

بنعشق كل شئ عربي

ومهما الرحله بعدتنا

نهاية دربكم دربي

وهنتقابل

انا احمس وانطونيو

انا الناصر صلاح الدين

انا خوفو انا مينا

انا من وحد القطرين

انا الشرقاوي مالزقازيق

وعندي في مصر في بحرين

ستي الملكه حتشبسوت

وعندي قصور وعندي بيوت

وناس ماتت كتير جدا

لكن سيرتها مش بتموت

خالي مراته كويتيه

وخالتي عيالها ليبين

وجارتي حاجه عراقيه

وكل قلوبنا في فلسطين

حدانا الصحرا تعرفكم

ويعشقكم كمان الطين

علي معلول حفيظ دراجي

والشوالي نبيل ياشعيل

ننام علي صوت صباح بليل

وورده تغني نسمعها

حسين الجاسمي فينا تاريخ

وعبد الله يارويشد

نحبك حق والله ياشيخ

بقي منينا خلاص ساسي

نحبه في لعبته الراسي

ولو تقروا في كراسي

تلاقوا اسامي ماتتعد

هقول يافريد

وعم ريحاني ونابولسي

وماري منيب وليلي مراد

وناديه لطفي نجوي فؤاد

كتير وكتير ميتعدوش

مكانكوا في مصركم مفروش

نساع كل الحبايب فيه

هتيجوا بلدكوا هنشيلكوا

ونفتح قلبنا ونهديه

وايدنا في ايدكوا هنكبر

نلم الشمل ونقويه

نهاية شعري وقصيدتي

جايلكوا رساله من ستي

قالتلي بوس ولاد عمك

كتبت ابوسكوا بطريقتي

#محمود_حسن_البنا