أن تكون محط أنظار وحديث الجميع ليس أمرًا سهلًا، لكن مصطفى أبو تورتة استطاع ذلك في أقل من ثواني معدودة بموقف طريف لم يحدث من قبل.
من الممكن أن يُلغى فرح أو حفل زفاف أو لا تكتمل خطوبة لدواعي أسرية أو أسباب لا يعجب منها الجميع لكن مصطفى أبو تورتة اختار نهاية غير تقليدية خطف بها رواد السوشيال ميديا.
الشاب مصطفى والشهير بـ مصطفى أبو تورتة أثار جدلًا واسعًا على مواقع التواصل الاجتماعي بعدما لاذ بالفرار من حفل خطبته من الفتاة نهال شعبان بعدما أخذ التورتة والشبكة، وادعى مرض خاله، تاركًا خطيبته وحدها.
هذه الخطة العجيبة الذي اتبعها أخرجت خطيبته عن صمتها المعتاد خاصة فيما يخص حياتها الشخصية لتدون عبر حسابها ما حدث قائلة: “طيب مش عادتي أتكلم وأحكي عن حياتي الشخصية على الفيس.. بس اللي حصل مش شوية فمضطرة أتكلم عشان متعبش..أنا كان مقري فتحتي زي ما كله عارف على مصطفى وخطوبتي كانت يوم السبت، اللي فات المفروض كان بينا مشاكل زي أي اتنين عاديين مع مامته بقى وخلافات بتحصل أول ما طلب حاجة وقولت دا عادي بيحصل بس اللي متخيلتش إنه يحصل إنه يسيبني في القاعة لوحدي، اتفاجئت إنه مش عازم صحابه ولا قرايبه كلهم وحسيت في حاجة غلط حتى مامته وأخته مفيش.. واحدة فيهم جت بركتلي وقولت أمشي اليوم”.
وأضافت “نهال”: “كل ما أقوله فين الشبكة اللي هنلبسها يقولي أصل اتكب عليها شربات أصل وقع جاتوه عليها.. طب خليها بعد البوفيه وكلام كله غريب كدا لحد ما دخلنا بعد البوفيه لقيت أهله كلهم مشيوا.. وقال إيه خاله تعب! في يقوم أهله كلهم يمشوا وأنا في القاعة لوحدي بدور عليه الاقيه بيصرخ برا ويقول خالي عيان وبيلطم وحاجات غريبة كدا وأنا أقسم بالله ما مستوعبة اللي بيحصل هو في واحد خاله عيان عيلته كلها بتمشي الستات اختفوا بس كانو بيهزروا فوق نسوا العيان”.
وقالت: “والأنيل إننا اكتشفنا إنهم أخدوا التورت معاهم طب مش خالك عيان.. أخدتوا التورت معاكم ملبسنيش شبكة.. وقبل كل دا بأيام جالي البيت وأخد التوينز بتاعت قراية الفاتحة بحجة إنه عايز يلبسني كله مرة واحدة في القاعة وأنا هبلة وافقت! مجاش في بالي للحظة واحدة انه هيعمل فيا كدا”.
واختتمت نهال: “دلوقتى حبه أقول كل دا عشان إيه؟ كان ممكن ننهي بالمعروف من غير أذى نفسي ليا.. كان ممكن تسترجل وتيجي تقولي يلا نفركش وكنت لغيت الخطوبة.. مش جي وبترقص وتقولي محضرلك مفاجأة.. وفي نيتك تعمل فيا كدا.. حسبي الله ونعم الوكيل”.
مصطفى أبو تورتة لم يكتف بفعلته، وقرر الخروج بأسلوب زاد الجميع غضبًا، حيث دوّن هو الآخر ردًا على “نهال” قائلًا: “تصدقي صعبتي عليا حلو الشو ده.. مفيش حتى كده لله يا محسنين، انتي أصغر من إني أرد عليكي، وأنا بجد ندمان على معرفتك، مش ندمان على اللي حصل، ولو حابة تتكلمي احكي للناس الحكاية من البداية يا أبلة، بجد أنا ندمان على وقتي معاكي.. أنا حبيتك بجد بس انتي للأسف متستهليش الحب ده وكان لازم دي تبقى نهايتك”.
التعليقات الساخرة وصلت إلى حد مشاركة الفنانين، حيث علق الفنان محمد هنيدي عبر حسابه الخاص على موقع التغريدات القصيرة “تويتر” عن القصة، بصورة له من أحد أفلامه الشهيرة “عندليب الدقي” قائلًا: “والله كان فيه تورته هموت عليها”.
