تعالى بسرعة ضمينى ” رسالة لحبيبتى ”
شعر : محمد عبد القوى حسن
***
ومهما تغيبى عن عينى
هاستناكى طول عمرى
عشان انت ضيا عينى
وانت هنايا ياقمرى
بحبك قد كل الكون
واحبك فى الهوى المكنون
واحبك شمس بتضوى
وحبك فى وريد دمى
ومستنى ومستنى
فما تغيبيش كتير عنى
وحاولى تقصرى الغيبه
عشان كل ساعة بضيع
واتوه بين جدول ايامى
وتتسرب منى احلامى
وما اقدرشى اقاوم شوقى موتنى
وبعدك عنى عذبنى
ياخدنى الليل لاحلامنا
وادور ياما ما الاقيكى
واقعد اعيش مع ايامنا
ومشتاق نظرة لعنيك
هواك كتير مدوبنى
سنين اللوعة تكتبنى اذا غبتى
واذا تهلى .. فنبضى يعود لشراينى
كلامى حقيقة مش اوهام
تعبت كتير مع الايام
يومين وتلاته زى الدهر
يعدى الوقت قهر ف قهر
مانافعنى علاج او طب
قالولى شوف دوى للقلب
وقلتلهم
دوايا هناك مع حبى
وبدعى لها كتير ربى
تهون صبرى وتجينى
تغزى تانى شرايينى
صعيب جدا فراق لاحباب
صعيب جدا حنينى داب
ومش عارف كمان اكتب
ومش قادر كمان اعتب
لكن عارف ومتاكد
كتير ياحبيبتى مغصوبه
كتير ياحبيبتى مشتاقة
لكن برضك هاكون صابر
وبدعى ربنا القادر
تعودى بسرعة لعيونى
ولا يوم مره غادرتى
بشيلك جوة ف عروقى
ولا مليتى وطلعتى
بشيلك ياهوايا سنين
واعديبك بحور وبحور
ونزرع حبنا بساتين
وساعتها مفيش لايمين
تعدى سنين وتيجى سنين
وهاصبر تانى اهى هانت
لكن محروم لنظرة عاين
عيون عاشقة وكتير صانت
قليبى فى نبض تكوينها
حنينى فى ضيا عينها
تعالى مدى الخطوة قوام
عشان اكون اقوى بقدومك
وعينينى على الايام
بحبك نسمه ونسايم
وورده ف حبها هايم
واحبك عطر يحينى
واحبك وانت تكوينى
واحبك ياحبيبة القلب
تعالى بسرعة ضمينى
رسائل عشق اخرى
