قصيدة مصر مين ردا علي كل الجاحدين بالفيديو والكلمات
للشاعر / محمد عبد القوي حسن
عضو اتحاد كتاب مصر
——-.
قصيدة مصر مين ردا علي كل الجاحدين
مصر مين
ياللي انت مش عارف اقولك
اولا مذكورة في كتابه الامين
ثانيا حارسها ربي
من جميع الطامعين
اسم الله عليها الحبيبيه
من عيون الحاقدين
قبل ماتذكرها صلي
ع النبي وصلي لربك ركعتين
وبعد ذلك تبقي هالك
لو تكون م الجاحدين
يعني لو تنكر ف خيرها
وتفتكر ان اللي حارسك م المطامع
كان كوهين
او تفكر ان جند الامريكان
اللي حارسين المكان
دول جايين لبلادكم
متطوعين
او انت بيهم تبقي اقوي
م الجنود المخلصين
خير جند الله ياجاهل
قول امين ربي حاميهم صاينهم قول امين
وانت جاي تقول صديقي بوش حماني
او توني بلير هداني
او ترامب جاي يغني هنا عشان
وناسي انك بالدولار تدفع يوماتي
وانت لو هاتحمي نفسك راح تهاتي
يبقي مين بقي اللي حارسك
واللي قاريك من فهارسك
واللي وسط الوحل غارسك
دالل دايس فوق راسك وبفلوسك
واللي واكل رزق ناسك من غموسك
واللي خلي العار مقاسك فوق نعوشك
اما مصر
دي حاجة تانية
فيها نبض ف كل ثانية
فيه اسود ع الحدود مابيبالوش
يقدروا علي اللي يسوا
واللي برضك مايساوش
يسهروا ليلهم نهارهم
لجل مايحموا ديارهم
هما حامين البلاد
من جميع الطامعين
وياما جانا ثمود وعاد
وكنا احنا القادرين
قادرين بايمانا طبعا
وبجنودنا المخلصين
قادرين بعزيمة صامدة
مستحيل ابدا تلين
هذا بالنسبة لجيشنا
اللي حامي حمي عروشنا
واللي عاززنا ف نفوسنا
واللي هادينا غموسنا
واللي ماف يوم راح يحوشنا
اننا نرفع رؤسنا
وياما جات اوغاد وحاولت
وياما من هكسوس وسوس
وياما من طليان فرنسا
وياما انجليز ودوسنا ع الجميع
واخر الاغنام علي حدودنا ف سينا
كانت الغنمه اللعينه
اللي منسي شاوالها تيسها
واللي دبابة هرسها
واللي شبراوي شواها
وحسنين عرسان محاها
وخالد مغربي نسفها
ياللي مش سامع هاتسمع
وياللي مش شايف هاتدمع
مصر ام الاصل فاتحها ابوابها ليكم
مصر حاطاكم ف عينها
ومهما قولتهم مش يجيلها قلب ابدا
انها تتخلي عنكم
لانها عارفه اصولها
وحاميا رعاياها بامرها
مصر ياللي انت بتطاول عليها
هي ام الدنيا والكون والمباديء
هي ام العلم ياللي انت يوم للعلم باديء
والثقافة والحضارة والتاريخ والتكنولوجيا
مصر السويس الابيه
وبورسعيد والسمسمية
والقناة يحميها ليا
والزقازيق العروسة السندسية
وطنطنا والمحلة ومعاهم عروسة البحر اسكندرية
ولو تقبل عند سد النيل تاريخه طويل ملان اساطير
تلاقي اسوان واقفة ملالية
تلاقي المنيا ام المشمشمية
وسوهاج مع اسيوط وطيبة الاقصرية
تحس انك في جنة الله الابية
تحس انك ليك ضهر ماعمره ابدايوم يلين قدام الغوغائية
وليك ريس اسمة عبد الفتاح السيسي راجل م الرجال القوية
الحكمة زادة والقوة رسمالة والفكر والتخطيط عناوين القضية
بيقود بلاده للعلا والتقوي زاده والصلا وحاطط قدام عيونه بلاده
وشايل مابين جفونه ولاده وبيخط من فكرة ومداده كل حاجة حلوه ليا
تبقي دي مصر البهية
تبقي مصر العربية
ام التاريخ والنهضة وام عيون قوية
رجالتها صابرين
ياكلوا لقمتهم بعرقهم وف المحن هم صامدين
عندهم عزة النفس وكرامة من هنا ليوم القيامة
مصري ومعلم علامة فوق عيون الكون وليه هيبه وماباعش القضية
ولو حكينا عن بلادنا وعن جدودنا وعن ولادنا
مش هانقدر يوم نكفي او نوفي يكفي يكفي ان صفحات التاريخ عامرة بنضالهم .. وانهم ماردوا يوم حد جالهم في ديارهم
شالوا كل الناس علي روسهم وحفظولهم وقارهم
لكن الناس اللي بتنسي هي مين طول عمرهم ماتخلوا عن وبالهم
مصر مين
مصر ام العالمين
عالية مرفوعة الجبين
مافي يوم ابدا تلين
او بتدفع لكوهين علشان يصونها
مصر حامية برجالتها كل حصونها
مصر تين وزيتون المخلصين
مصر موسي في جبل طور المتين
مصر السيدة زينب والسيدة عيشه والحسين
مصر اكتوبر دروسه ف الجامعات مستكين
مصر مين مصر مين مصرمين
تحيا مصر تحيا مصر تحيا مصر
رغم انف الجاحدين والحاقدين والمحمين بجاه كوهين
مصر مين مصر مين مصر مين
