شريحة إيلون ماسك الكلمة الأكثر بحثاً عبر محركات الويب في العالم الآن، حيث يرغب ملايين الأشخاص في معرفة مدي تأثير تلك الطفرة التكنولوجية، علي عالم البشر، ومدي خطورتها علي عقل الإنسان، وكيف يتم التحكم بها، وكم تتكلف تلك العملية، كل هذه التساؤلات سوف نجيب عليها في هذا التقرير بشكل مبسط اعزائنا قراء “الريادة نيوز”، ونرغب منكم في مشاركة هذا التقرير عبر صفحاتكم علي مواقع التواصل الإجتماعي، حتي يفهم مغزاها الجميع.
مُلخص اللي حصل النهاردة في مؤتمر الإعلان عن الشريحة الجديدة اللي هتتركب للبشر و اللي استمر لمدة ساعة و ربع في ولاية كاليفورنيا زي ما قولتلكوا الصبح. الكلام اللي هتقروه ده حقيقة و واقع، مبقاش خيال علمي خلاص.
تفاصيل شريحة إيلون ماسك
١- الشريحة اتصنعت بالفعل، اخدت الموافقة، وتم تجربتها على البشر و اثبتت فاعليتها.
٢- اللي هتتركبله الشريحة عنده مش هتكون باينة، محدش يقدر يعرف مين مركبها ومين لأ .. “ايلون ماسك” نفسه قال انا ممكن اكون مركبها دلوقتي ومحدش هيعرف.
٣- الشريحة بصورة مبدئية بتقرأ كل حاجة في دماغك وكل مادة كيميائية بيتم افرازها وبالتالي بتقدر تخطط وتتوقع وتظبط الوظائف بتاعتك.
٤- المنطقة اللي الشريحة بتتزرع فيها بتسمحلها تعالج مشاكل السمع، البصر، اي مشاكل ليها علاقة بالذاكرة، اي مشاكل نفسية، الادمان، التوحد .. الخ .
٥- التطوير بتاعها هيسمحلها لو في اي مشكلة في الاعصاب عمومًا تصلحها، لو الحبل الشوكي اتقطع وانت مصاب بالشلل، هتعالجك. شخص فقد بصره، هتصلح الاعصاب وترجعهوله وهكذا.
٦- تقدر تتواصل بيها مع موبايلك واجهزتك الالكترونية ( وعربية تسلا بس معرفش باقي العربيات هيبقى نظامها ايه )، وبعدها طبعًا التواصل الاجتماعي والجيمز وكل الكلام ده .
٧- التطوير اللي بعده في الخطة انها تقدر تلغي بيها الشعور بالألم، والشعور بالحزن ، تتحكم في ذكرياتك واحلامك وتخزنها وتقدر تسترجعها وقت ما تحب وتحذف وتعمل داونلود لذكرياتك كلها كـback up أو حتى تعملها داونلود على روبوت . لو حاسس انك متضايق من حاجة معينة تقدر تشغل الذاكرة الكويسة وتلغي السئ فورًا.
٨- التطوير بتاع الشريحة هيسمح بالتخاطر، والبرمجة العقلية، بس هيتحط طبعًا شرط موافقة ارسال واستقبال علشان محدش يدخل اي حاجة في دماغك في اي وقت.
شاهد ايضاً: لقاح المسيح الدجال.. شريحة ID 2020 سيحقن بها كل البشر لمجابهة كورونا
سعر شريحة ماسك
٩- في بداية نزولها هتبقى غالية وبعدها هتبقى متوفرة في كل مكان وبنفس سعر الأيفون تقريبًا ومتاحة للجميع . وهينزل منها نسخ مطورة ومعدلة تقدر تشيل القديم وتحط مكانه الجديد على مدار السنين اللي جاية.
١٠- في خطوة تانية في الاخر هي ” القدرات البشرية الفائقة ” ، مدى بصري اكبر، مدى سمع اعلى، تشغيل والغاء مشاعر .. الخ . ده طبعًا لسه محصلش بس اعلنوا انه جاري العمل عليه في الخطة ، كجزء من محاولتنا لمواكبة الطفرة اللي هتحصل في الذكاء الاصطناعي علشان منقعش ونواجه ازمة وجود.
١١- الشريحة ” متوقعين ” بنسبة كبيرة تساعدنا نفهم الافكار والوعي بييجي منين وتفسيره ايه وبيحصل ازاي وليه احنا مميزين بيه.
١٢- الشركة شغاله على افضل برمجة لحفظ سياسة الخصوصية، بحيث محدش يقدر يخترق بياناتك أو يوصل للداتا اللي هتكون في الشريحة دي اللي هتكون في دماغك.
الموضوع مفيهوش اي مجال حاليًا للتخمين بقى وياترى ده حقيقي يا ترى ده خيال، لإنها اخدت الموافقة دوليًا وتم الاعلان عنها رسمياً قدام العالم كله، الموضوع على قد ماهو مثير على قد ماهو مخيف جداً من اللي احنا داخلين عليه.
لقد تعمدنا الشرح بطريقة عامية لتصل لكل الزائين، وسنوافيكم بتقارير أكثر دقة وشمولية عن هذا الموضوع المصيري والخطير علي كل البشر، ونرجوا منكم أن تشاركونا آرائكم عبر التعليقات أسفل المقال هل تؤيد إضافة تلك الشريحة علي العقل البشري ؟
