من خمس سنوات و لسه العقل بيووششش
تيجوا ننسى شوية صور الوحوش
ونقول يا حواش حوش
تيجوا نلبس على كل وش وشوش
ونسمع اغنية شعبية خارجة من جوا حوش
و عليها نرقص و نطنطط
و قال ايه نفرح و نزقطط
تبجو نكون أي شئ من دا الشئ
مهي حفلة أو مولد أو زار
نلف فيه ورا أصوات وأشكال
والعقل فين. …باينو طار
يلا نقول مفيش مفيش
لو حد سألنا فيه ملايكة بتندبح
نقول مفيش
فيه أراضي بتتنهب
ما ظنيش
فيه أصول بتتقلب
ما شفتهاش
وما شافتنيش
ولاخر اغنية الضياع
مفيش
و لو خلص اللحن التايه
أبقى تعالي اسألني
فهمت حاجة
هقولك مفهمتش
وانت مفهمتنيش
اصل انا احب حرف الشين
وكلمة ششششش
بتخلي الدنيا هدوء
بس العقل بيوششش
قراءة سريعة جداُ في قصيدة .. “انزفيني ” للشاعر والناقد .. أحمد إسماعيل إسماعيل
