أثارت رسالة فتاة شابة تدعي نهال جدلاً كبيراً علي موقع التواصل الإجتماعي فيس بوك، وتفاعل معها عدد كبير من رواد السوشيال ميديا، ونتج عن الرسالة ثورة من الكوميديا والغضب في نفس الوقت، وتم تدشين حملة عقب تداول رسالة الفتاة عبر مجموعات وصفحات الموقع الإجتماعي الشهير تحت عنوان “كلهم مصطفي أبو تورتة “.
وأطلق النشطاء هذا الإسم نسبة إلي شاب يدعي مصطفي “خطيبها”، حيث قالت نهال أنه تركها أثناء حفل خطبتهما بداعي مرض خاله، وقد أخذ معه “التورته”، وغادر مع أهله وتركها وحيدة دون أن يقدم لها الشبكة.
ونشرت نهال رسالة طويلة تعبر فيها عن حزنها وآسفها الشديد حول موقف مصطفي التي وصفته بالغدر والخيانة، كما أشارت إلي أنه خذلها أمام الجميع وتركها وحيدة في ليلة كانت تنتظرها طويلاً.
وتسببت رسالة نهال في موجة كبيرة من الغضب والسخرية علي وسائل التواصل الإجتماعي، حيث دعمتها العديد من فتيات السوشيال ميديا، وقاموا بتدشين حملات سخرية انتشرت بصورة كبيرة في الساعات القليلة الماضية.
شاهد أيضاً: صور.. جميع الكوميكس الكوميدية و الساخرة عن موضوع مصطفي أبو تورتة
نص رسالة نهال خطيبة مصطفي أبو تورتة
بدأت نهال بحديثها: “طيب مش عادتى اتكلم واحكى عن حياتى الشخصيه على الفيس ..بس الى حصلى مش شوية فمضطرة اتكلم عشان متعبش..انا كان مقرى فتحتى زى ما كله عارف على مصطفى و خطوبتى كانت يوم السبت ال فات مفروض هههه”.
وأضافت: “كان بينا مشاكل زى اى اتنين عاديين مع مامته بقى و خلافات بتحصل اول ما اطلب حاجة وقولت دا عادى بيحصل بس الى متخيلتش انه يحصل انه يسبينى فى القاعه لوحدى، اه والله”.
وصرحت: “اتفاجئت انه مش عازم صحابه ولا قاريبه كلهم وحسيت ف حاجة غلط حتى مامته واخته مفيش وحده فيهم جت بركتلى وقولت امشى اليوم”.
وأشارت: “كل ما اقوله فين الشبكه اللي حنلبسها يقولى اصل اتكب عليها شربات اصل وقع جاتوه عليها، طب خليها بعد البوفيه وكلام كله غريب كدا لحد ما دخلنا بعد البوفيه لقيت اهله كلهم مشيوا”.
يهمك ايضاً: فيديو متعرية الكويت يشعل تويتر بين الاستياء والسخرية من المايوه المثير العاري
واندهشت قائلة: “وقال ايه خالوا تعب، ف يقوم اهله كلهم يمشوا، وانا في القاعه لوحدى بدورعليه الاقيه بيصرخ برا و يقول خالى عيان وبيلطم وحاجات غريبه كدا ونا اقسم بالله ما مستوعبه الى بيحصل هو ف واحد خاله عيان عليته كلها بتمشى، الستات اختفو بس كانو بيهزروا فوق نسوا العيان”.
وتابعت: “والانيل اننا اكتشفنا انهم اخدوا التورت معاهم، طب مش خالك عيان ، اخدتوا التورت معاكم و ملبسنيش شبكه، و قبل كل دا بايام جالى البيت و اخد التوينز بتاعت قراية الفاتحة بحجه انه عايز يلبسنى كله مرة واحده ف القاعه ونا هبله وافقت، مجاش ف بالى للحظه واحده انه حيعمل فيا كدا”.
ووجهت له رسالة: “دلوقتى حبه اقول كل دا عشان ايه، كان ممكن ننهى بالمعروف من غير اذى نفسى ليا،.كان ممكن تسترجل وتيجى تقولى يلا نفركش وكنت لغيت الخطوبه، مش جى و بترقص وتقولى محضرلك مفاجاه، و فى نيتك تعمل فيا كدا، حسبى الله ونعم الوكيل”.
وأوضحت: “وانى كنهال مش زعلانه عليك اصلا انت متستاهلش لكن صعبان عليا نفسى والى حصل وانى واقفت اتخطب لواحد زيك قليل الاصل
والدنيا يابنى داين تدان و بكرة تشوف، اصل ربنا مبيسبش”.
وناشدت مصطفي: “وتانى بقولهالك كنت تسترجل و نمشى بالمعروف بدل ما تعمل فيلم تعب خالك دا و تصغروا نفسكوا بالشكل دا قدام الناس كلها، ولعملك سهلت علياكتير اوى لانى مبقتش زعلانه عليك اصلا ولا فكرالك حتى حاجة وحده عدله”.
واختتمت حديثها قائلة: “استعوضت ربنا فى حقى، وحسبى الله ونعم الوكيل تانى، لا يموت الديان، تشوف ده ف دنيتك و ف اختك، وتبقي انت تسمع كلام امك، وباعت ريكوردات واتس، جدع انت كدة وانتي عملتي حاجات كتير وانه بقي رده أنه يعملي فضيحة ف القاعة”.
