سوف نخبركم في التقرير التالي بطريقة الاستعلام عن اكواد الطلاب بالرقم القومي لكافة المراحل من الموقع الرسمي لوزارة التربية والتعليم، وسوف نجيب علي كل اسئلتكم الخاصة بمشروع البحث للمرحلتين الابتدائية والاعدادية، والامتحان الالكتروني لطلاب الصف الاول والثاني الثانوي.
الاستعلام عن اكواد الطلاب studea.emis.gov.eg
الإستعلام عن الرقم التعريفي للطالب لجميع المراحل التعليمية على الجمهورية، عبر المنصة الإلكترونية التي طرحتها وزارة التربية والتعليم، حتي يتمكن جميع الطلاب من الحصول علي الاكواد الخاصة بهم، والتي تمكنهم من الولوج إلي منصة ادمودو لتسليم مشروع البحث، او تأدية الإمتحانات الالكترونية.
خطوات الاستعلام عن اكواد الطالب بالرقم القومي
الدخول الي موقع http://studea.emis.gov.eg/.
- كتابة الرقم القومي للطالب.
- كتابة تاريخ الميلاد “سنة / شهر / يوم”.
- كتابة اسم المحافظة التابع لها.
- النوع ” ذكر / أنثي”.
كل اللي عندهم أطفال من أول الصف الثالث الإبتدائي وحتى الثالث الإعدادي… هذا المنشور لهم
س و ج كل ما يخص الابحاث
س : ايه البحث ده وازاى الطلبة تعمله ؟
ج : الطالب هيفتح موقع كود الاختبارات الخاصة بالوزارة بالرقم القومى الخاص به ولكل طالب كود خاص به لكل المواد وده الرابط بتاعه.
رابط منصة ادمودو
س : بعد ما ياخد الكود هينعمل ايه بالكود ده
ج : احتفظ بالكود ده لانه هو الكود اللى الوزارة هتبعت لك الاختبارات عليه بعد يوم 2 ابريل
س : يعنى هفتح الموقع تانى علشان اشوف الاختبارات المطلوبة منى فى كل مادة صح كدة
ج : بالضبط كدة
س : وطيب وبعد كدة ؟
ج : تشوف اختبار كل مادة اسئلتها ايه وتحاول تجاوبها فى ورق عادى او مطبوع زى ما تحب بس بشرط عدم النقل من الاخرين او يكون جاهز من المكتبات.
كيفية تقديم البحث علي منصة ادمودو التعليمية
س : وبعد ما انتهى من البحث المطلوب فى المادة اعمله بيه ايه
ج: هتفتح صفحتك على موقع اسمه ادمو الرابط بتاعه ده
رابط منصة ادمودو التعليمية https://edmodo.org/.
وهو منصة تعليمية بها صفحة لكل طالب هتدخلها بالرقم القومى بتاعك برضه
س : يعنى ده موقع تانى غير موقع الاكواد
ج : ايوة بالضبط كدة
س: بعد ما افتح الموقع ده وافتح صفحتى عليه اعمل ايه فيه؟
ج: هترفع البحث بتاعك بصيغة ورد WORD او بى دى افPDF على المنصة الالكترونية.
شاهد ايضاً: في 5 خطوات سريعة إنشاء حساب جديد علي منصة ادمودو التعليمية للطلاب والمعلمين
س : يعنى ايه ارفعه على المنصة ؟
- ج : يعنى انت هتكتبه فى الكمبيوتر عادى كانك بتكتب اى ورقة وهتعملها حفظ على سطح المكتب مثلا باسم اختبار رياضيات.
- وبعد ما تفتح موقع ادمو هتدخل على صفحك هتلاقى فى رمز او ايكونة عليها رفع الملفات ( او تحميل ملفات ) هتضغط عليها.
- هيفتح معاك نافذة علشان تشوف مكان حفظ ملفك انت حافظه فين واول ما تلاقيه هتضغط عليه ثم تضغط على كلمة موافق.
- هيترفع معاك الملف ويقولك تم التاكيد
س : وكدة خلاص
ج : ايوة بس انت حملت اختبار مادة واحدة هتعمل نفس الكلام مع باقى اختبارات باقى المواد المطلوب منك ابحاث فيها
س : وهتظهر لى نتيجتى مباشرة ؟
ج: لا طبعا لسه المعلمين هيدخلوا على المنصة الالكترونية ويشوفوا كل بحث من ابحاث الطلبة بتوعه
س طيب مثلا انا ماعنديش نت ومش بفهم فيه وامكانياتى المادية ماتسمحليش اروح سيبر او كافيه نت اعمل ايه
ج: الوزارة بتسهل عليك الموضوع وبتقولك مدام كتبت البحث وطبعته وماعندكش امكانية ترفعه ممكن تسلمه باليد الى ادارة المدرسة اللى انت فيها.
يهمك ايضاً: “سهلة وسريعة” طريقة رفع البحث علي منصة ادمودو التعليمية 2020 edmodo
س : طيب افترض مثلا انا كبرت ادماغى وماعملتش البحث ده ايه اللى هيحصل يعنى
ج: هتضطر تيجى قبل زمايلك السنة الجاية باسبوعين قبل الموعد الرسمى للدراسة وبرضه لازم تقدم بحث
والا الوزارة هتعتبرك راسب وتعيد السنة
س : والكلام ده لحد امتى ؟
ج : معاك شهر ونصف يعنى لحد 15/5/2020 م.
س : طيب الاختبار ده فى المنهج كله ؟
ج : طبعا لا الوزارة قالت الاختبارات فى المنهج لحد 2020/3/15 م بس يعنى اللى بعد كدة مالكش دعوة بيه
س : طيب الاسئلة ايه نوعها ؟
ج : اسئلة سهلة وبسيطة تعتبر زى الواجب المنزلى اللى بتحله فى البيت.
