شعر لحبيبتى فى مساء الاندهاش اهديه لعيونها الجميلات ولكل العشاق الذين يعيشون طقوس الحب الاصيل واعدكم ان تكون هناك دوما رسائل عاطفية لمحبى الرومانسية والجمال واصحاب الحس المرهف دوما والان اترككم مع القصيدة .
شعر لحبيبتى فى المسا
احلى البنات
اكتب لها الشعر بيرفرف على الشرفات
او شعرى فوق شجر النصيب
يكتب لعمر عيونى احلى الامنيات
واحفر انا اسم الحبيبة على الشجر
يطلع نسيم عمر المسطر بالقمر
اسمك اسامى الكون ماليه ابدا مثيل
طيفك ياعمرى بيداوى قلبى العليل
وانا وانت طفلين فى المدى
متونسين باماسى شوقنا
كاتبين كتابنا للربيع
قلبك بديع ست البنات
ايو الله قلبك ياحبيبتى شىء بديع
وخدينى منى ف حضن اوسع للمدن
او تكتبينى جدولين بالموج يغنوا لبعضهم
او قصة العشق الابية للتاريخ
تحكينا لجميع العصور
قلبين بيعشقوا نبض اروع حسهم
نبضين بيهتفوا بالامانى لبعضهم
بتكلمينى عن العمل وانا بكتب الشعر لعيونك
دايما امانى حبنا تطلع تصونك
وانا هايم الهيمان انا فى بحار جنونك
ماتجننينى حبتين بام الشعور الراقى ما ف عمرى اخونك
انا كنت فين لما الهوى جابنى لدروبك
واطلع لمين واشبه انا انوار عيونك
ما اجملنى وانا وانتى بين بساتين هوانا
وما اجملك وانتى بتقرى الشعر دلوقتى
وتقولى كل ده الشعر لعيونك
ياجمال عيونك اللى واخدينى لبلادى
وجمال عيونك اللى كاتبينى لودادى
واهتف باسمك فى الصباح وفى المسا
وارسملك الدرب اللى منه راح يكون بكره لنا
ونشيل امانى الضحكة والحلم الاصيل بين حضننا
يطلع لنا الزرع اللى زرعناه سوى
ويغنى لينا وللهوى
وردين امان وفل لعيونك
ربى يصونك ياالغلا
مليون مسا لاجمل عيون ساحرانى فى صباح المسا
مليون مسا
***
شعر لحبيبتى
شعـر: محمد عبد القوى حسن
